0Shares

Indonezia sot ka pësuar sulmin e dytë ndaj policisë, me ç’rast kanë reaguar si kundërpërgjigje duke vrarë katër persona të armatosur që kishin të lidhur rreth belit rripa me eksploziv dhe shpata të samurajëve.

Militantët e dyshuar kishin për cak një furgon në portën e stacionit të policisë në Pekanbaru në Indonezi, dhe më pas sulmuan policët me shpata, transmeton Telegrafi.

Një nga policët ka mbetur i vdekur në vend derisa dhjetëra tjerë janë lënduar, para se autoritet e sigurisë të reagonin duke i qëlluar për vdekje katër terroristë.

Ky është sulmi pas një serie tjetër të sulmeve që kanë ndodhur nëpër kisha në vende të ndryshme të Indonezisë.

Të shtunën, një familje gjashtë anëtarëshe përfshirë vajzat 9 dhe 12 vjeçare kryen sulm vetëvrasës në tri kisha në Surabaya, duke lënë të vrarë 18 persona.

Ndërkaq të hënën një familje tjetër hodhi vetën në erë para stacionit të policisë, ku mbetën të plagosur 10 persona. /Telegrafi/

Të Ngjajshme
Shfaq Komentet (0)