Pamje të një aksidenti të tmerrshëm në një minierë në Bosnjë dhe Hercegovinë – aty ku shmangia e tragjedisë ishte vetëm fat

Punëtori i një miniere të qymyrit në Bosnjë dhe Hercegovinë, i cili po punonte me një makinë pune , i ka shpëtuar vdekjes me shumë fat.

Sipas medieve boshnjake, përcjell Telegrafi, në momentin kur ai po kryente detyrat e tij të rregullta të punës, kishte ardhur deri te shembja e një pjese në një lartësi prej rreth dhjetëra metrash dhe vetëm me një reagim të shpejtë ai arriti të shmangte tragjedinë.

Presidenti i sindikatës “RMU Banovići”, Nihad Huremoviq, ka konfirmuar për portalin Radiosarajevo.ba se aksidenti ndodhi dhe se për fat të mirë askush nuk u lëndua.

“Përfundoi, falë Zotit, pa viktima njerëzore, por edhe pa dëmtime në makineri. Unë nuk kam informacion më të saktë në lidhje me shkakun e aksidentit”, ka thënë Huremoviq.

Ndërkohë pamjet e aksidentit janë shpërndarë në rrjetet sociale dhe më shumë informacione në lidhje me aksidentin do të dihen pasi të ketë përfunduar hetimi. /Telegrafi/