Pamje të mrekullueshme: Roma zbardhet nga bora, pas gjashtë vitesh (Foto)

Një stuhi e rrallë dëbore ka mbuluar Romën duke e zbardhur qytetin për të herë të parë pas gjashtë vitesh dhe duke shkaktuar probleme me transportin dhe duke mbyllur disa shkolla.

Autoritetet lokale kërkuan ndërhyrjen e ushtrisë për pastrimin e rrugëve, përcjell shqiptarja.com.

Banorët e gjetën qytetin të zbardhur kur u zgjuan në mëngjes pasi erërat siberiane që kanë mbërthyer Evropën, i ulën nën zero temperaturat, duke iu marrë jetën të paktën katër personave, siç pretendohet.

Koloseu, shatërvani i Trevit dhe monumentet e tjera të “Qytetit të Përjetshëm”, që nga Vatikani e deri buzë lumit Tevere, kanë dhuruar disa pamje spektakolare bukurie të kryeqytetit italian.