Paditet ish-drejtoresha e Klinikës për Gjinekologji në Shkup

Klinika e Gjinekologjisë në Shkup ka paditur ish-drejtoreshën Marija Haxhi-Lega për keqpërdorim të detyrës zyrtare, gjegjësisht sipas tyre, ajo ka dëmtuar buxhetin e klinikës për 150 mijë euro për blerjen e testeve me të cilat hetohen anomalitë tek shtatzënat.

Sipas Fokus, padia ndaj Haxhi-Lega është ngritur më 16 dhjetor, ndërsa më herët më 23 nëntor 2017 Komisioni disiplinor për vërtetimin e fakteve ka vlerësuar se nuk ka pasur nevojë për blerjen e 312 testeve, prej të cilëve vetëm një kushton 25.500 denarë, përcjell Telegrafi Maqedoni.

Gjithashtu, përfundim i komisionit është se me blerjen e testeve nuk është njoftuar Kolegiumi profesional, si dhe nuk është përgatitur program që punon me ata teste.

Sipas Fokus, testet janë kryer vetëm tek 22 paciente, pa pajtim të çiftit, të cilët sipas protokolit duhet të informohen.

Afati i testeve është deri në mars, ndërsa sipas udhëzimeve për përdorim thuhet se përdoren për nevoja hetuese, por jo edhe për përcaktimin e diagnozës.

Informacionet e tilla i ka vërtetuar edhe Klinika për Gjinekologji, Viktorija Jovanovska, e cila tha se në këtë mënyrë klinika është dëmtuar për 15 mijë euro./Telegrafi/