Nga shtatori, nxënësit e shkollës fillore “Dëshmorët e Kombit” në Baran të Pejës orët e anglishtes nuk po i mbajnë, pasi që mësuesja është në pushim të lehonisë. Edhe tash pas tre muajsh, drejtori i shkollës dhe Drejtoria e Arsimit në Pejë, hedhin fajin tek njëra tjetra.
Nxënësit e shkollës fillore “Dëshmorët e Kombit” në Baran të Pejës, kanë humbur të gjitha orët mësimore të gjuhës angleze nga fillimi i vitit shkollor. Kjo pasi arsimtarja e kësaj lënde ndodhej në pushim të lehonisë.
Pavarësisht ankesave të prindërve, konkursi për zëvendësim është anuluar.
Sipas drejtori të shkollës, Naim Krasniqi, deri të anulimi i tij ka ardhur për mos përmbushje të kritereve nga ana e kandidatëve.
“Punëtorja ka qenë në pushim mjekësor gjashtë mujor. Për shkak të problemeve shëndetësore është dashur ta shtyjmë pushimin e saj edhe për një kohë. Ne me kohë kemi hapur konkursin për këtë zëvendësim dhe për këtë kemi dokumentet, por ai ka dështuar. Është pranuar punëtori Lebron Kelmendi, ai për shkak të interesave të tij dhe për shkak të studimeve është larguar dhe nuk ka punuar. Ne kemi mbetur të kushtëzuar. Konkurs do të hapet prapë por janë disa afate që duhet respektuar”, deklaroi për RTV Dukagjinin, Naim Krasniqi.
Krasniqi tutje shtoi se kjo gjendej do të normalizohet, pasi nga e hëna arsimtarja e gjuhë angleze do të rikthehet dhe se orët e humbura do të kompensohen, përcjell Telegrafi.
“Dihet që mësuesi është problem për Gjuhën Angleze. Ne shohim që ka një mungesë të madhe për këtë kuadër. Kemi formuar një komision që do t’i pyes ata nxënës. Do të mbahen ligjërata, edhe tash është ka mbahet mësim prej një jave. Nxënësit do të futen në provim nga komisioni. Ne kemi vepruar në mënyre ligjore”, shtoi më tej Naim Krasniqi.
Ne anën tjetër drejtori i Arsimit në Komunën e Pejës, Besim Avdimetaj, përmes telefonit ka thënë se drejtoria e arsimit nuk mund te hap konkurs për zëvendësim, por atë duhet ta bëjë vetë shkolla./RTV Dukagjini/Telegrafi/
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251