Serbia ka kohë që planifikon të aneksojë veriun e Kosovës. Pikërisht sipas skenarit që presidenti rus Vladimir Putin përdori në Krime.
Kështu ka thënë presidentja e Republikës së Kosovës, Vjosa Osmani, gjatë një interviste për mediumin prestigjioz gjerman “Die Welt”, përcjell Telegrafi.
Në këtë kontekst, ajo ka theksuar se Beogradi me propagandën e tij po nxit komunitetin serb në Kosovë.
Ndërkohë, ka shtuar Osmani, grupet terroriste janë trajnuar në bazat ushtarake serbe.
“Armët e rënda dhe paraushtarakë me uniforma pa shenja – u kontrabanduan në veri të Kosovës përmes rrugëve ilegale. Ne analizuam hartat, pamjet me dron, armët e sulmuesve dhe telefonat që ata lanë pas largimit”.
Nga kjo, siç ka thënë presidentja Osmani, duket qartë se më 24 shtator, sulmuesit kanë dashur të krijojnë fakte në 37 lokacione njëkohësisht në një operacion hibrid për të pushtuar veriun e Kosovës.
Ndërsa në pyetjen, nëse ata vepronin me urdhër të drejtpërdrejtë nga qeveria serbe, ajo ka thënë se “absolutisht po”.
“Pa aparatin shtetëror serb, ata kurrë nuk do të kishin qasje në armët ushtarake që i konfiskuam. Burrat u trajnuan në bazat ushtarake serbe nën koordinimin e ministrit serb të Mbrojtjes. Krahas kësaj, sipas qeverisë amerikane, Serbia ka rritur në një masë të paprecedentë praninë e forcave të saj të armatosura në kufirin me Kosovën. Kjo tregon se serbët synojnë përshkallëzimin e mëtejshëm. Dhe se synimi i tyre është ende të pushtojnë pjesë të Kosovës”.
Presidentja Osmani ka komentuar edhe deklaratat e Qeverisë së Serbisë, sipas të cilave, ky vend ka tërhequr trupat e saj dhe i ka “ulur” ato në nivelin e zakonshëm, përcjell Telegrafi.
“Kjo nuk është ende e sigurt; ne presim konfirmimin përfundimtar nga partnerët tanë perëndimorë. Dhe edhe nëse kjo ndodh, ne duhet të jemi të përgatitur për të gjithë skenarët. Serbia duhet të mbajë përgjegjësi për veprimet e saj. Nëse akti i agresionit nuk dënohet, kjo është një shenjë inkurajimi për Serbinë që të vazhdojë në mënyrë të njëjtë, vazhdimisht. Dhe në një shkallë shumë më të madhe se sulmi që ne kemi parandaluar tani”.
Mediumi gjerman, përkatësisht gazetarja e tij e ka pyetur presidenten Osmani se si “Serbia që kohët e fundit ka përmirësuar marrëdhëniet e saj me SHBA-në dhe BE-në dhe nuk ka interes për një konfrontim me NATO-n – duhet të rrezikojë gjithë këtë?”.
Dhe përgjigja e Osmanit ka qenë e thjeshtë: “Kjo është një pyetje që do t’ua bëni njerëzve racionalë. Por ne nuk presim ndonjë racionalitet nga lidershipi serb”.
“Ju kujtoj se presidenti serb Aleksandar Vuçiq ka qenë dikur ministër i propagandës në kohën e Sllobodan Millosheviqit… Dikush që pranon gjenocidin nuk mund të jetë paqebërës”, ka thënë ndër tjerash Osmani. /Telegrafi/
Lufta Prigozhin - Putin
Më shumëAksident i rëndë në Suharekë, dy të vdekur
Regjistrimi i diasporës: Çfarë përfiton Kosova?
Një muaj paraburgim ndaj boshnjakut që dyshohet për krime lufte kundër shqiptarëve në Gjakovë
LDK u vendos “vija të kuqe” të gjitha partive politike për koalicione parazgjedhore
Dobësimi i Euros në Shqipëri shtrenjton paketat turistike
Ekipet e reja për mbledhjen e mbeturinave, Rama njofton se janë sulmuar fizikisht punëtorët në lagjen Dardania
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur