Osmani merr pjesë në Forumin e Dohas në Katar

Presidentja e Kosovës, Vjosa Osmani është duke marrë pjesë në Forumin e Dohas në Katar.

Osmani ka publikuar një fotografi nga hapja e ceremonisë, teksa ka shkruar se është e lumtur që po merr pjesë në Forumin e Dohas.

“E lumtur të marr pjesë në Ceremoninë Hapëse të edicionit të 20-të të Forumit të Dohas. Në këtë kohë sfiduese për botën, dialogu, diplomacia dhe diversiteti janë më të rëndësishme se kurrë. Pres me padurim të takohem me liderët e tjerë dhe të marr pjesë në diskutimet gjatë forumit”, ka shkruar presidentja në Twitter.

Ndryshe, presidentja e Republikës së Kosovës, Vjosa Osmani- Sadriu, me ftesë të të Emirit Sheikh Tamim bin Hamad Al Thani ka udhëtuar për një vizitë zyrtare në Shtetin e Katarit, ku do të pritet në takime nga zyrtarë të lartë të shtetit, si dhe do të marrë pjesë në Forumin e Dohas, krahas udhëheqësve e përfaqësuesve të vendeve të tjera të botës. /Telegrafi/

Pleased to attend the Opening Ceremony of the 20th edition of the @DohaForum!

At this challenging time for the world, dialogue, diplomacy and diversity is more important than ever.

I look forward to meeting fellow leaders and to taking part in discussions during the forum. pic.twitter.com/TQwzjyArQr

— Vjosa Osmani (@VjosaOsmaniPRKS) March 26, 2022