Lidhja Demokratike e Kosovës asnjëherë nuk ka qenë më unike. E ky unitet duhet të ruhet edhe në zgjedhjet e brendshme që pritet të mbahen në fillimin e vitit të ardhshëm, e që do të përfundojnë diku në muajin maj.
Kështu shprehet deputetja e LDK-së, Vjosa Osmani, në pjesën e dytë të intervistës për KosovaPress.
Osmani pret që gara për kreun e LDK-së të jetë demokratike, e hapur, fer, me respektim të statutit dhe me shumë kandidatë, e jo si herëve të kaluara me vetëm një kandidat.
“Për momentin në LDK është një bashkëpunim shumë më i mirë se që ka ekzistuar më herët. Ka gjëra sikur në çdo parti tjetër për të cilat mund të kemi mendime të ndryshme. Por me rëndësi është që ka një kauzë të përbashkët që na bënë bashkë. Dhe po punohet që LDK-ja të fuqizohet çdo ditë. Isa Mustafa është akoma duke drejtuar partinë, pavarësisht se ende është në proces të rehabilitimit, mirëpo çdo ditë e më shumë aktiviteti i tij në parti po shtohet, koordinimi i tij me deputetët, Kryesinë, deputetët po shtohet. Grupi ynë është në kontakt çdo ditor me të për të koordinuar veprimet”, tha Osmani.
Ajo shprehet e bindur se fitore në zgjedhje mund të arrijnë vetëm duke qenë bashkë. Por, Osmani ka rikujtuar se LDK-ja nuk mund të fuqizohet pa e zhvilluar demokracinë e brendshme dhe të hapen dyert për të rinjtë.
“Nuk e di kush do të jenë kandidatët. Por ajo që dua të them është se do të ishte jo normale për një parti që synon të ketë demokraci të brendshme të mos kishte më shumë kandidatë. Përkundrazi ekzistimi i më shumë kandidatëve është pasuria e vërtetë në LDK. Ekzistimi i garës është ajo që e forcon një parti. Më e rëndësishmja është ajo që brenda partisë të jetë një garë fer, demokratike, që e respekton statutin dhe një garë që zhvillohet duke garuar për vlera, ide të ndryshme dhe gjithnjë duke pasur respekt të ndërsjellë. Fokusi im është këtu që ta ruajmë këtë unitet të brendshëm që është ndërtuar nga zgjedhjet e fundit parlamentare në LDK, të tentojmë të tejkalojmë çfarëdo dallimi që kemi sepse është me rëndësi që LDK të jetë e fuqishme”, thotë Osmani.
Në majin e vitit 2015, deputetes Osmani nuk i ishte lejuar që të garojë për kryetare të LDK-së, ani pse kundër statutit të partisë, meqë ishte vendosur që ajo duhet t’i marrë 50 plus një për qind të votave të delegatëve në mënyrë që të hynte në garë me kryetarin aktual Isa Mustafa.
Por, tani Osmani thotë se ende nuk e ka vendosur nëse do t’i hyjë garës për kreun e LDK-së, sepse pret që gjithçka të vendoset pasi të mbahen zgjedhjet në nëndegë dhe degë, që mund të fillojë si proces qysh në fillim të vitit 2019.
“Vitin e ardhshëm, kurdo që fillon ky proces besoj se do ta kem një përgjigje për këtë punë…Nuk është kjo çështje e asaj çka e ka ndërmend një individ, është me shumë një proces se sa një dëshirë personale, varet shumë nga procesi, varet shumë nga mënyra se si shkojnë zgjedhjet. Siç e dini LDK nuk e ka thjeshtë një Kuvend zgjedhor por gjithçka fillon nga nëndegët, ta shohim si po shkon në nivel të nëndegëve, pastaj të degëve. Është proces i gjatë, mund të filloj qysh në fillim të vitit 2019, mund të zgjas dy tre muaj dhe ta shohim. Në qoftë se shkon gjithçka në mënyrë demokratike jam e bindur se do të ketë kandidatë të mirë. Kush do të jenë kandidatët besoj do të merret vesh kur të fillojë procesi”, theksoi Osmani.
Ajo beson se në zgjedhjet e brendshme që do të mbahen vitin e ardhshëm në LDK, nuk do të ketë përplasje gjeneratash se kush do ta marrë drejtimin e partisë, por do të shikohet kualiteti i kontributit që ka dhënë gjithsecili qoftë edhe nëse ka hyrë në LDK një vit më parë.
“Nuk do të thosha ashtu, unë mendoj që pavarësisht moshës, edhe disa prej nesh jemi mjaft gjatë në LDK. Mua po më bëhen 17 vjet që punoj aktivisht në parti, nuk është se tash kam hyrë në LDK, prandaj edhe ky dallimi kush sa vjet i ka kaluar është për mua diçka që nuk do duhej të ndodhte. Tek e fundit në vitin 1989 unë i kam pasur 7 vjet, natyrisht që nuk kam mundur të filloj aktivitetin politik në moshën 7 vjeçare. Kështu që të kërkosh nga dikush pse s’ka qenë aktivist në vitin 1990 ose 1992 në LDK kur ka qenë fëmijë, është e pa akceptueshme. Prandaj në vend se të shikohet gjatësia e kontributit, unë do të thosha duhet të shikohet kualiteti i kontributit”, ka thënë Osmani.
Madje, ajo thotë se bashkëpunëtorët e saj me të afërt prej të cilëve edhe ka mësuar shumë, janë prej atyre themeluesve të LDK-së.
Lufta Prigozhin - Putin
Më shumëBashkëshortja e Milan Radoiçiqit po intervistohet në polici
Jep dorëheqje gjykatësi i Speciales, Nikola Giju
Konjufca i ashpër me BE-në: Po do me zor t’ia marrë kompetencat Kosovës për Asociacionin
Arrestimi për spiunazh i dy personave, Konjufca: Jam i bindur se ka shumë raste tjera të ngjashme
“Faleminderit heronjtë tanë të heshtur”- eksperti i sigurisë thotë se AKI dëshmoi se është në krye të detyrës me arrestimin e spiunëve
Konjufca flet për audio-incizimin e Kusari-Lilës: Nuk ka tradhëti kombëtare, po publikohet në fragmente sipas dëshirave të dikujt
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Pse çdo prind duhet të zgjedhë këpucët apo atletet Reebok në Melodia Px për fëmijët e tyre?!
Eksploro natyrën dhe ngjit majat me çizmet e duhura
Formësoje trupin me peshën Martes
Rehatohu n’plazh mirë dhe lirë
Për çfarë vibes je – Summer Vibes apo Good Vibes?
Më të lexuarat
AMP
Publikohet audio e bisedës në mes të oficerit të BIA-s dhe të dyshuarit për spiuanazh, Bedri Shabani
Gjashtë ditë të tmerrshme në burgun e Stanfordit - historia e eksperimentit që njerëzit paqësorë i shndërroi në ‘përbindësha’
Ky është restoranti më i mirë në botë për vitin 2024
Spiunët e arrestuar dhe BIA serbe patën bisedime një ditë pas sulmit në Banjskë
Gjendet turistja franceze që ishte zhdukur në malet shqiptare prej ditësh