Oppo njoftoi “gjeneratën e ardhshme” të kamerave ‘selfie’ nën ekran

Oppo ka njoftuar versionin më të fundit të teknologjisë së tij në lidhje me kamerën selfie të vendosur poshtë ekranit.

Oppo pretendon se teknologjia e re bën të mundur vendosjen e një kamere selfie nën ekran “pa kompromentuar integritetin e ekranit”.

Ndryshe nga një qasje e mëparshme që uli densitetin e pikselëve në pjesën e ekranit mbi kamerën për të lënë më shumë dritë, Oppo tani përdor më pak pixel për të ruajtur të njëjtën densitet 400ppi si në pjesën tjetër të panelit OLED.

Si rezultat, nuk ka pothuajse asnjë ndryshim vizual midis pjesës së ekranit poshtë së cilës ndodhet kamera selfie dhe pjesës tjetër të ekranit.

Oppo ka publikuar një fotografi të një prototipi të telefonit inteligjent duke përdorur aplikacionin e-reader, i cili ndoshta do të ishte skenari më i keq për kamerat e mëparshme nën ekran për shkak të sfondit të bardhë dhe tekstit të mprehtë.

Sa i përket vetë kamerës, Oppo gjithashtu postoi një fotografi që tregon cilësinë e saj.

Oppo ka punuar në teknologjinë e kamerës nën ekran për një kohë të gjatë, dhe një demonstrim u pa në MWC Shanghai 2019. /Telegrafi/