Olta Gixhari, e izoluar në Spanjë me partnerin e saj

Aktorja e njohur shqiptare, Olta Gixhari, së fundmi në një intervistë virtuale në emisionin “Rudina” ka treguar se ndodhet në Spanjë dhe se është izoluar së bashku me partnerin e saj.

Ajo thotë se ka arritur atje më datën 10 mars dhe menjëherë të nesërmen ka mësuar se gjithçka do të mbyllet dhe vendi do të izolohet.

Olta po qëndron në Valencia dhe megjithëse vendi ka pamje të mrekullueshme, ajo nuk mund ta shijojë momentalisht për shkak të rregullave strikte të vendit.

E njëjta më tej rrëfen se në Spanjë nuk ndodh si në Shqipëri, ku kemi një orar të caktuar për lëvizjen.

Njerëzit janë totalisht të izoluar dhe megjithëse është dakord që kjo është zgjidhja e duhur, Olta është ‘bezdisur’ paksa me mungesën e lirisë.

Lexo po ashtu Të gjitha lajmet nga Olta Gixhari

Ndërkohë, Gixhari i ka bërë thirrje të gjithë shqiptarëve të qëndrojnë të izoluar në shtëpi për të mbrojtur veten dhe familjarët e tyre, teksa lutet që kjo situatë të kalojë sa më shpejt.

Sipas statistikave të fundit, numri i viktimave nga coronavirusi në Spanjë ka shkuar në 1,002. /Telegrafi/