Olmo ka dërguar një mesazh emocionues pas El Clasico dhe ka treguar qëndrimin e tij para tifozëve

Dani Olmo e ka përballuar shumë emocionalisht periudhën e kaluar të vështirë dhe në fund gjithçka përfundoi mirë për të dhe fitoi Superkupën e Spanjës me Barcelonën.

Sonte lojtarët e Barcelonës mposhtën Real Madridin me rezultat 5-2 në finalen e Superkupës së Spanjës dhe kështu fituan titullin rekord të 15-të në këtë garë.

Të gjithë në Barcelonë e festuan me zemër fitimin e trofeut të ri, por askush nuk u emocionua aq sa Dani Olmo, i cili kaloi periudhën më të vështirë të karrierës së tij.

Barcelona nuk arriti ta regjistronte për një kohë të gjatë, ndaj ai u hoq përkohësisht nga lista e futbollistëve në faqen zyrtare të La Ligas.

Clear message from Dani Olmo on his future to Barcelona fans 🔵🔴👇🏻 pic.twitter.com/nQsy6cWpBE

— Fabrizio Romano (@FabrizioRomano) January 12, 2025

Megjithatë, pak orë para fillimit të gjysmëfinales së Superkupës kundër Athletic Bilbaos, Olmo mori një vendim nga gjykata se mund të luante.

Edhe pse mund të largohej nga klubi si lojtar i lirë, Olmo theksoi se Barcelona është opsioni i vetëm dhe këtë e tregoi edhe një herë sonte.

Pas fitimit të trofeut, të gjithë iu afruan dhe Olmos me lëvizjen e tij tregoi se klubi katalanas ishte gjithmonë opsioni i vetëm.

Llegó la hora de mamar. Inscrito por cierto pic.twitter.com/d5YyUM7tVZ

— Manu. (@GxlDePaulinho) January 12, 2025

Fillimisht ai ka simbolizuar festën e tij karakteristike duke treguar orën, e më pas ka thënë se “po qëndron”. Ai iu afrua tifozëve, puthi stemën dhe tha se Barcelona është i vetmi klub ku dëshiron të jetë. /Telegrafi/