LAJMI I FUNDIT:

Oda e Fiziterapeutëve reagon pas miratimin të Projektligjit për Pagat: Diferenca në koeficiente është jashtëzakonisht e madhe dhe diskriminuese

Oda e Fiziterapeutëve reagon pas miratimin të Projektligjit për Pagat: Diferenca në koeficiente është jashtëzakonisht e madhe dhe diskriminuese

Oda e Fiziterapeutëve të Kosovës ka reaguar lidhur pas miratimit në parim të Projektligjit të ri të Pagave për punëtorët e Sektorit Publik.

Sipas tyre, diferenca në koeficientet e pagave është jashtëzakonisht e madhe dhe diskriminuese.

“Pas votimin në lexim të parë të Projektligjit për Pagat të Sektorit Publik, shprehim shqetësimin tonë për mënyrën e vlerësimit të punës së fizioterapeutëve në sektorin publik, duke ulur koeficientet për fizioterapeutët nga 7.2 në 5.6, 5.5 dhe 5.4. Kjo ulje koeficienteve është diskriminuese dhe mos vlerësues për punën e fushës së fizioterapisë, gjithashtu nënvlerëson punën e fizioterapeutëve të diplomuar bachelor, i cili është i baras vlefshëm me fizioterapeutët me shkollim të mesëm me një dallim në pagë me 0.3 te vlerës së koeficientit”, thuhet në reagim.

Oda thekson se mos njohja e shkollimit të lartë ishte një nga arsyet që Ligji për Pagat nuk kaloi testin në Gjykatën Kushtetuese.

“Bazuar në Projektligjin e ri, diferenca në koeficient është jashtëzakonisht e madhe kur bëjmë krahasimin të një mjeku specialist dhe një fizioterapeuti, gjë që diferenca ndërmjet tyre në koeficient me Ligjin e ri është 100 për qind, ndërkaq aktualisht diferenca ndërmjet këtyre kategorive ka qenë 20 për qind. Një krahasim i tillë është i paprecedent dhe i papranueshëm nga ana jonë për këtë rangim, kur dihet se shkollimi superior i një fizioterapeut është doktor shkence, magjistër i shkencave, fizioterapeut i specializuar (profilizuar) madje ka prej tyre që mbajnë titullin profesor universiteti”, vijon Oda.

Ata theksojnë se nëse nuk korrigjohet ky veprim atëherë do të ketë veprime nga komuniteti i fizioterapeutëve.

“Sipas Ligjit të Shëndetësisë të gjithë profesionistët shëndetësor jemi të barabartë në ushtrimin e profesionit, kur dihet se ligji nuk lejon diskriminim në këtë fushë. Presim nga deputetët e Kuvendit të Kosovës, komisioni për Administratë Publike që ta korrigjojnë këtë gabim, në të kundërtën ne jemi të detyruar të marrim veprime për të cilat komuniteti ynë do të njoftohet me kohë”, përfundon reagimi. /Telegrafi/

Në trend Ekonomi

Më shumë
Dukagjini Resort – Ky është projekti përrallor 80 milionësh që do ta transformojë këtë pjesë të Shëngjinit

Dukagjini Resort – Ky është projekti përrallor 80 milionësh që do ta transformojë këtë pjesë të Shëngjinit

Ekonomi
Fundjavë e paharrueshme treditore në Grand Blue Fafa

Fundjavë e paharrueshme treditore në Grand Blue Fafa

Fafa Resort
Pushime në plazhin më të bukur në Shëngjin - Rana e Hedhun, ekskluzivitet nga Kompania Shpejtimi

Pushime në plazhin më të bukur në Shëngjin - Rana e Hedhun, ekskluzivitet nga Kompania Shpejtimi

Kompania Turistike Shpejtimi
Gatuaj recetat e Bajramit me Vezë Reas, vezë të paketuara bio me vitamina dhe minerale të rëndësishme

Gatuaj recetat e Bajramit me Vezë Reas, vezë të paketuara bio me vitamina dhe minerale të rëndësishme

Kosmonte Foods
Mos lini asgjë në dorë të fatit! Melodia Px ju bën gati për pushimet tuaja verore të ëndrrave!

Mos lini asgjë në dorë të fatit! Melodia Px ju bën gati për pushimet tuaja verore të ëndrrave!

Melodia Px
Një kërcë, një gol, një fitore: Merr pjesë në lojën e madhe të Patos për Kampionatin Evropian!

Një kërcë, një gol, një fitore: Merr pjesë në lojën e madhe të Patos për Kampionatin Evropian!

Patos Kosova
Kalo në kategori