Nuk ka fitues për 90 minuta: Finalja e Euro 2020 mes Italisë dhe Anglisë shkon në vazhdime

Ka shkuar në vazhdime finalja e Euro 2020 në mes të Italisë dhe Anglisë, pasi koha e rregullt përfundoi 1-1.

Tre Luanët e filluan takimin më mirë se që e kishin menduar, duke kaluar në epërsi me anë të Luke Shaw, që u asistua nga Kieran Trippier.

Ky gol i realizuar nga anëtari i Manchester United doli të jetë më i shpejti në histori të finaleve të Kampionateve Evropiane.

Italia më pas kishte një shqetësim në mesfushë në minutën e 22-të, pasi Jorginho kishte disa dhimbje, por u rikthye më pas.

Më pas Azzurët filluan të marrin ndeshjen në dorë, së paku sa i përket posedimit të topit, derisa kishin edhe disa shanse të mira.

Një i tillë ishte në minutën e 35-të, kur Federico Chiesa lëshoi një goditje të fuqishme, por ishte e pasaktë.

Një minutë më vonë, Luke Shaw kishte mundësinë të pasonte brenda zonës për bashkëlojtarët, e topi u largua nga Emerson Palmieri.

Në 45 minutat e dytë, Azzurët e filluan më mirë, duke bërë presion qysh në sekondat e parë.

Nga ky presion i lartë, italianët arritën që t’i barazonin shifrat në 1-1.

Ishte minuta e 67-të, kur nga një rrëmujë në zonën e anglezëve, Leonardo Bonucci u gjet mjaftë mirë, duke shënuar për 1-1.

Deri në fund të kohës së rregullt, të dy skuadrat kishin pasime të bllokuara dhe të gabuara, duke mos arritur që të shënonin më gola.

Në vazhdime, do të jenë dy herë nga 15 minuta, e që dy kombëtaret do të tentojnë që t’i shmangin penalltitë. /Telegrafi/

Goal goal gooooooooooaaaaaaallll Italy!!!! It’s Bonucci…it’s 1-1 and Italy is baaaaaack!!!
pic.twitter.com/8vjULwVImn

— Barça Footba11 Talk (@BarcaFootba11) July 11, 2021

Luke Shaw goal puts England up 1-0 vs Italy in the Euro Final pic.twitter.com/6yjnoEvc3N

— иυєℓℓ™ (@alhajinuell) July 11, 2021