Ishte një gjysmë e parë fantastike në të gjitha aspektet, me lojë, dinamikë e raste, pos që munguan golat.

zaza

Skuadra mysafire e nisi më mirë ndeshjen duke dalë disa herë në shans, mirëpo dalëngadalë nikoqirët imponuan ritmin e tyre.

Shansin më të mirë në 45 minutat e para e pati Brozovic, goditja e të cilit u përplas në transversale.

jove

Me të filluar gjysma e dytë, Bianconerët kanë mundur të realizojnë, por goditja e Cuadrados hyri nën këmbët e Handanovic dhe përfundoi jashtë.

Bardhezinjtë vazhduan të luanin mirë në fraksionin e dytë dhe shansin më të mirë e pati Khedira, i cili mori një pasim të mrekullueshëm në zonë nga Morata, por gjuajtja e tij goditi vetëm shtyllën. 

khed

Kur po afrohej fundi i takimit, zikaltrit rrezikuan në disa momente, mirëpo nuk arritën të bënin asgjë për ta ndryshuar rezultatin.

Deri në fishkëllimën e fundit të arbitrit, skuadrat e kërkuan fitoren, por në fund u desh të pajtoheshin me nga një pikë.

Barazimi është rezultat që i shkon për shtat Interit, pasi është një pikë prapa liderit Fiorentina. Juventusi, nga ana tjetër, ka tetë pikë më pak se Nerazzurrët.

Lojtari i ndeshjes ishte, Paul Pogba dhe në bazë të statistikave Zonja e Vjetër ishte për një nuancë më mirë. /Telegrafi/

NdërkombëtareSport
telegrafi sport app