Drita ka arritur të marrë një pikë mjaftë të rëndësishme në udhëtim te Prishtina në kuadër të takimit që ishte paraparë të luhej në kuadër të javës së tretë në Superligën e Kosovës.

Klubi gjilanas e mbylli sinorin vjeshtor si kampion, pasi u pozicionua në vendin e parë me 41 pikë, pas barazimit 1-1 në “Fadil Vokrri”.

Trajneri Ardian Nuhiu e pranoi pas takimit se Prishtina kishte shumë raste shënimi, mirëpo portieri i tyre i mbajti në lojë.

Derbi mbyllet me barazim në "Fadil Vokrri" - Drita është kampione e stinorit vjeshtor Derbi mbyllet me barazim në "Fadil Vokrri" - Drita është kampione e stinorit vjeshtor

“Në përgjithësi mendoj se ishte ndeshje e hapur, ndeshje derbi të cilën të dyja skuadrat donin ta fitonin”, ka thënë strategu i Dritës për “Art Sport”.

“Prishtina kishte raste më të pastërta, nuk diskutohet, por portieri na mbajti në lojë. Pjesa e dytë na takoi neve dhe erdhëm deri tek goli, meritat i shkojnë të gjitha futbollistëve që kanë bërë gjysmë sezon të jashtëzakonshëm dhe na kanë bërë krenar për paraqitjet e tyre”.

“Nuk diskutohet që jemi të kënaqur, grupin e kemi këtu do ta mbajmë teksa nëse shohim të arsyeshme të përforcohemi do ta bëjmë këtë gjë”, ka përfunduar Nuhiu. /Telegrafi/