LAJMI I FUNDIT:

Njihuni me infermieren britanike, që është bërë personi i parë që ka injektuar koktejin e ri të antitrupave

Njihuni me infermieren britanike, që është bërë personi i parë që ka injektuar koktejin e ri të antitrupave

Infermierja britanike Karen Simeson që punon në repartin e kujdesit intensiv, është personi i parë në planet që ka injektuar në trup koktejin më të ri të antitrupave, të “dizajnuar” enkas në mbrojtjen e njerëzve ndaj COVID-19, shkruan Sky News.

Zyra e saj e vogël në Wakefield dhe kuzhina në afërsi është shndërruar në një repart të barnatores, ku i mbajnë ilaçet dhe i përgatitin, transmeton Telegrafi.

Për shumëkënd, marrja e vaksinës së coronavirusit nuk është një opsion: njerëzit që tashmë janë sëmurë, të moshuar apo me sistem të dobët imunitar.

Ky trajtim me antitrupa nga AstraZeneca – që pritet t’i jepet njëmijë njerëzve në Mbretërinë e Bashkuara – pa potencial të mbrojë vazhdimisht njerëzit dhe të zgjatë nga gjashtë muaj deri në një vit.

Gjithashtu me to do të ndihmohen profesionistët shëndetësorë që vazhdojnë të jenë në vijën e parë të frontit, dhe domosdo duhet të jenë të sigurt ndaj virusit.

Karen thotë se e dëshironte këtë tretman në mënyrë që të mund në një farë mënyre t’i rikthehet normalitetit.

“Profesionalisht, kam parë ndikimin e COVID-19 që ka pasur në njerëz në veçanti tek punonjësit shëndetësorë, që ushtrojnë veprimtarinë e tyre në repartet e kujdesit intensiv. Ka qenë shumë e lodhshme për pacientët dhe familjarët e tyre”, ka thënë ajo.

“Për mua, është një gjë personale – nuk e kam parë nënën dhe babanë që nga marsi. Më mungojnë shumë edhe miqtë, t’i përqafojë vajzat e mia. Dua një lloj rikthimi në normalitetit për veten dhe fëmijët e mi. Kjo është më e rëndësishme”, ka shtuar ajo.

E pasi që Karen është injektuar – ajo është monitoruar nga mjekët, por gjatë një bisede me Sky News, tha se është e lumtur që është personi i parë që e ka marrë.

Ajo shpreson se kjo mund të funksionojë dhe të ndihmojë shumëkënd në të ardhmen.

“Ky tretman na jep shpresë. Këtë e dua për të gjithë. I shoh se si kolegët e mi punojnë në vijën e parë të frontit. Nuk mund të dalim jashtë dhe të qeshim, nuk ka pauzë për ne. Të gjithë ne duam t’i kthehemi normalitetit dhe shpresojmë që kjo do të na ndihmojë. Është shumë e rëndësishme sepse e dimë se do të na duhet më shumë se një gjë për të na shpëtuar”, ka shtuar Karen.

“Numri i njerëzve që do të kenë nevojë për vaksinë, apo atë që e kam marrë unë sot, është shumë i madh. Nuk mund të mbështetemi vetëm në një lloj trajtimi. Me versione të ndryshme shpresoj që mund t’ia dalim më shpejtë për të mbrojtur të gjithë”, tha ndër tjera.

E personi i dytë që të marrë koktejin e antitrupave që i ka marrë Karen, është një mikeshë e saj – punonjëse shëndetësore në Yorkshire – që do të bënte gjithçka që t’i rikthehet normalitetit.

E personeli mjekësorë janë të bindur që antitrupat do të funksionojnë dhe janë optimistë se do të mbrojnë njerëzit deri në një vit nga coronavirusi. /Telegrafi/

Në trend Botë

Më shumë
Obama dhe Clinton i dalin në ndihmë Bidenit - një foto me tre presidentët amerikanë do të kushtojë 100 mijë dollarë

Obama dhe Clinton i dalin në ndihmë Bidenit - një foto me tre presidentët amerikanë do të kushtojë 100 mijë dollarë

Amerika
Mercenarët rus të Wagner po vrasin civilët në Mali

Mercenarët rus të Wagner po vrasin civilët në Mali

Afrika
I kishin vendosur për ukrainasit, e pësuan vetë – rusët hidhen në erë nga minat që bashkëluftëtarët e tyre i kishin montuar për ushtarët e Kievit

I kishin vendosur për ukrainasit, e pësuan vetë – rusët hidhen në erë nga minat që bashkëluftëtarët e tyre i kishin montuar për ushtarët e Kievit

Evropa
Publikohen pamjet tronditëse teksa hajduti sulmon me thikë një person në mes të ditës në Londër

Publikohen pamjet tronditëse teksa hajduti sulmon me thikë një person në mes të ditës në Londër

Evropa
Mbështetësit e PKK-së kurde sulmojnë punonjësit e aeroportit në Paris – tentuan të parandalojnë ekstradimin e anëtarit të PKK-së në Turqi

Mbështetësit e PKK-së kurde sulmojnë punonjësit e aeroportit në Paris – tentuan të parandalojnë ekstradimin e anëtarit të PKK-së në Turqi

Evropa
Ukrainasja bëhet simbol i rezistencës, pavarësisht se rusët ia bombarduan lokalin në Kiev – ajo vazhdon të shërbejë kafe

Ukrainasja bëhet simbol i rezistencës, pavarësisht se rusët ia bombarduan lokalin në Kiev – ajo vazhdon të shërbejë kafe

Evropa
Kalo në kategori