Nga të shtënat me armë, një plumb qorr bie në një banesë në Prishtinë

Nga të shtënat me armë zjarri sot rreth orës 04:00 një plumb qorr ka shpuar dritaren e një banese në rrugën “Lidhja e Pejës”, në Prishtinë.

Kështu ka bërë të ditur për Telegrafin një qytetar (emër i njohur për redaksinë), i cili po ashtu ka dërguar edhe fotografi të plumbit si dhe të dritares së banesës së tij.

Gjithashtu edhe Policia e Kosovës e ka konfirmuar për Telegrafin se ka pasur të shtëna me armë në këtë pjesë të Prishtinës, ku si pasojë një person ka mbetur i plagosur.

Lajmin për Telegrafin e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.

Sipas saj, i plagosuri është dërguar për tretman mjekësor.

Lexo po ashtu Të shtëna me armë në Prishtinë, plagoset një person

“Sot rreth orës 04:00, policia ka marrë informatën për të shtëna me armë zjarri në  rrugën ” Lidhja e Pejës në Prishtinë.

Menjëherë pas marrjes së informatës policia ka dalë në vendin e ngjarjes  dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen.

Bazuar në të dhënat fillestare  dyshohet se me armë zjarri është plagosur një person, i cili është dërguar për tretman mjekësor”, ka thënë Ahmeti.

Tutje sipas saj, hetuesit policor në koordinim me prokurorinë, po ndërmarrin  veprimet hetimore për identifikimin dhe arrestimin e personit/ personave të dyshuar si dhe ndriçimin e plotë të rastit. /Telegrafi/