Atmosfera e festës së Vitit të Ri ka arritur në thuajse çdo shtëpi.
Gjithnjë vëmendje të veçantë gëzojnë te publiku edhe personazhet e njohur, përderisa të gjithëve u intereson se si po e festojnë ata natën e ndërrimit të viteve.
Disa të angazhuar në koncerte, e disa larg kësaj rutine të profesionit të tyre, po e festojnë fundit e datë 31 dhjetor të 2017-s.
Këngëtarja e madhe, Adelina Ismaili dhe bashkëshorti i saj Val Krasniqi hapën dyert e shtëpisë së tyre për Telegrafin, duke treguar se si po kremtohet nata e Vitit të Ri në familjen e tyre.
“Një vit që filloi me dhembje dhe mbaroi me shumë dashuri. Shumë intensitet, shumë ndjenja. Lodhja më ndjenja. Lodhja më e mirë në jetë”, kështu e cilëson 2017-n këngëtarja Adelina Ismaili gjatë bisedës për Telegrafin.
Adelina këtë vit e feston për herë të parë pranë djalit të saj të vogël, Uliksit, gjersa për të kremtuar natën e ndërrimit të viteve pranë saj kanë shkuar edhe dy motrat shumë të dashura: Ema dhe Zanfina, këngëtarja e njohur për publikun.
“Prej se kam lindur më bukur nuk ka qenë. Kam dy loçkat e mija: Emën dhe Zanin këtu, kam dashurinë e zemrës sime, Valin këtu, që u përkujdes për çdo detaj, kam shpirtin e frymën time Uliksin që filloi festën në orën 16:00 e na bëri shtëpinë veç lumturi e të qeshura”, tregon me plot emocion Diva e muzikës.
Përgjatë vizitës në shtëpinë e këngëtares, njihemi edhe me fotografitë e të voglit Uliks pranë prindërve të tij, dhe dy tezeve që vazhdimisht i dhuronin dashuri, Emës dhe Zanfinës.
Në përfundimin e bisedës, Adelina tregoi dëshirat e saj për 2018-n, duke iu uruar më të mirën atyre që ka pranë.
“Kam veç një dëshirë: Zot jepi shëndet familjes sime që janë më shumë se gjithçka për mua”, përfundoi Adelina Ismaili për Telegrafin.
Një dëshirë për vitin e ardhshëm e ka edhe motra e vogël e divës, këngëtarja Zanfina Ismaili, e cila në pika të shkurtra tregoi se si ka qenë 2017-a për të, dhe çfarë dëshiron në 2018-n.
“Viti 2017 ka qenë vit i adaptimit në situata dhe sfida të reja të jetës, si dhe një kthesë e rëndësishme për mua që të bëj ndryshime. E kam një dëshirë, por sinqerisht është pak intime për mua ta publikoj, por që është afër realizimit dhe unë jam entuziazmuar mjaft shumë”, tha Zanfina Ismaili për Telegrafin.
Kështu erdhëm edhe deri te fundi i vizitës në familjen e çiftit Adelina Ismaili dhe Val Krasniqi, aty ku në një ambient të ngrohtë familjar po pritet 2018-a, festë e cila po merrte më shumë shije me një ‘çamarrok’ të vogël përreth, që quhej Uliks, e që për herë të parë në jetën e tij, po festonte ardhjen e një Viti të Ri. /Telegrafi/
Promo
Reklamo këtuLufta Prigozhin - Putin
Më shumëErjolën e hedhin në mes të natës në pishinë, i ekspozohen pjesët intime
"Veç je zhdukur prej jetës time" - Blero dhe Afrona tregojnë mes lotësh se përse nuk funksionoi martesa e tyre
“Fytyra nuk ndërrohet” – Efi Dhedhes flet për natën e dehur që i ndryshoi jetën
Larg Meritonit me pushime në Itali, turisti e pyet a je e famshme? - Ilnisa Agolli jep përgjigjjen interesante
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Këngëtari i famshëm britanik bën publike lidhjen me bukuroshen shqiptare, Xhoana Xheneti
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak