Aleanca Kosova e Re përmes një njoftimi për media ka bërë të ditur se presidenti i kësaj partie, Behgjet Pacolli së bashku me kryetarin e Nismës, Fatmir Limaj do të mbajnë konferencë për media.

Pavarësisht që nuk është bërë e ditur se cila do të jetë tema e kësaj konference, me gjasë do të bëhet zyrtarizimi i koalicionit parazgjedhor në mes këtyre dy subjekteve.

“Ju njoftojmë që sot, me datë 23.08.2019, duke filluar nga ora 11:00, Presidenti i Aleancës Kosova e Re, z. Behgjet Pacolli dhe Kryetari i Nismës Socialdemokrate, z. Fatmir Limaj, do të mbajnë një konferencë të përbashkët për Medie”, thuhet në njoftim.

Koalicioni Nisma-AKR, flet sekretari i AKR-së Koalicioni Nisma-AKR, flet sekretari i AKR-së

Pavarësisht kësaj, sekretari i Përgjithshëm i AKR-së, Vesel Makolli në një prononcim për Telegrafin, tha se ende nuk ka asgjë përfundimtare dhe se kanë oferta nga të gjitha partitë për koalicion parazgjedhor

Në media sot u raportua se Nisma dhe AKR do të nënshkruajnë koalicion parazgjedhor, koalicion ky i cili do të jetë i dyti pas atij që është arritur në mes AAK-së dhe PSD-së. /Telegrafi/