Ndryshimi i motit, rritë rrezikun e paraqitjes së sëmundjeve tek kultura e vishnjës

Ndryshimi i temperaturave gjatë javës së fundit ka rezultuar në rritjen e mundësisë së shfaqjes së sëmundjeve në kulturën e vishnjës. Luhatja e temperaturave nga moti me diell, në një mot me vranësira dhe reshje te vogla lokale në pozita të rrafshëta dhe zona malore, ka ndikuar në rritjen e nivelit të rrezikshmërisë për Monilia (Monilia Laxa), dredhosja e gjetheve (Taphrinia) etj.

Bazuar në sistemin e vrojtimit “IPKO-Parashikimi Agrologjik”, i cili monitorohet nga agronomët e IPKO-s, janë nxjerrë rezultate të cilat janë të dobishme për fermerët që merren me kultivimin e vishnjës. Në bazë të parashikimeve në nivel regjional, tek disa komuna ku vishnja është duke u kultivuar, niveli i rrezikshmërisë për paraqitjen e sëmundjeve ka arritur në përmasa të mëdha.

Stacionet agrologjike, të instaluara nga IPKO, do t’u ofrojnë fermerëve informatat e nevojshme, përfshirë edhe matjen e kushteve të tokës dhe ajrit dhe përmes aplikacioneve specifike duke nxjerrë informacione të nevojshme rreth parashikimit agrologjik.

Të gjitha informatat do të shpërndahen përmes SMS-ve për fermerët e regjistruar dhe që posedojnë numër të IPKO-së. Ndërsa për të pranuar SMS për parashikimin agrologjik, kërkesa duhet të dërgohet në mënyrë elektronike në agroproject@ipko.com

Të dhënat e nxjerra nga stacionet agrologjike në 3 lokacione të ndryshme,tregojnë intensitet më të madh për shfaqjen e sëmundjeve si në vijim:

Rekomandime: Këto informata vlejnë për 2-3 ditët ne vijim dhe luten fermerët qe të marrin hapa konkret në mbrojtjen e kulturës së vishnjës nga sëmundjet e mundshme, në konsultim me ekspertët e mbrojtjes së bimëve. /Telegrafi/