Në rrjetet sociale po qarkullon videoja që tregon momentin kur sistemi raketor rus, pëson defekt dhe raketa e tyre ndryshon drejtim dhe rikthehet në pikën nga ku ishte shkrepur.

Në qytetin ukrainas Alchevsk në rajonin e Luhanskut, raketa ruse e mbrojtjes kundërajrore ndryshoi drejtim pas lansimit dhe shpërtheu në afërsi të vet sistemit raketor, transmeton Telegrafi.

Videoja është publikuar fillimisht në Telegram në kanalin e ushtrisë së Kievit, ku bëhet fjalë për raketën ruse.

Zelensky porosit qytetarët: Do të rikthejmë të gjitha qytetet, dhe sërish do të jenë nën kontrollin e Ukrainës Zelensky porosit qytetarët: Do të rikthejmë të gjitha qytetet, dhe sërish do të jenë nën kontrollin e Ukrainës

Në video shihet raketa tokë-ajër duke u kthyer në drejtim të kundërt, dhe për pak sekonda pas lansimit bie në afërsi të vendit nga ku u lansua dhe ndodh një shpërthim i fuqishëm.

Reklama

Shpërthimi ka shndritur “qiellin” në Alchevsk, që gjendet rreth 20 kilometra në perëndim të Luhanskut.

Reklama

Edhe pse duket se raketa bie në afërsi të vendit nga ku është lansuar, akoma nuk dihet nëse është shkatërruar sistemi raketor apo nëse ka pasur viktima.

Shpërthime të fuqishme në periferi të Kievit, Klitschko bën thirrje për evakuimin e banorëve Shpërthime të fuqishme në periferi të Kievit, Klitschko bën thirrje për evakuimin e banorëve

Televizioni ukrainas 24TV pretendon se shpërthimi shkaktoi një zjarr të madh, jo larg ndërtesave kolektive në atë rajon. E Rusia si zakonisht, nuk ka dhënë ndonjë koment lidhur me ngjarjen. /Telegrafi/