Ndërron jetë ish-presidenti i Gjilanit, Shukri Sylejmani

Gjilani ka njoftuar se ish-presidenti i tyre, Shukri Sylejmani ka ndërruar jetë.

Klubi gjilanas i ka shprehur ngushëllime familjes për këtë humbje të madhe, por që padyshim se është një humbje e madhe edhe për sportin kosovar.

Me një njoftim në rrjetin social Facebook, Gjilani ka treguar për kontributin e madh që Sylejmani ka dhënë ndër vite në futbollin tonë.

Më poshtë e keni statusin e plotë të klubit kosovar:

TELEGRAM NGUSHËLLIMI

Me dhimbje të thellë morëm lajmin se në mëngjesin e sotëm ka ndërruar jetë ish presidenti i klubit tonë, Shukri Sylejmani.

Ish presidenti i klubit tonë, tashmë i ndjeri, Shukri Sylejmani, do të mbahet gjatë në mend për të gjitha sakrificat e bëra për klubin e Gjilanit dhe futbollit e sportit vendor në përgjithësi me kontributin e tijë, ku në vitet e vështira të pasluftës, ai, dha gjithqka për skuadrën e Gjilanit dhe futbollit tonë.

Presidenti, bordi drejtues dhe e gjithë skuadra e Gjilanit shpreh ngushëllimet më të sinqerta familjes Sylejmani dhe bashkëndjejmë dhimbjen me ta për humbjen e më të dashurit të tyre.

Prehu në paqe, President Shukri Syljemani. /Telegrafi/