Teleskopi Hapësinor, James Webb (JWST) së fundmi kapi një foto të pabesueshme të Uranit, ku mund të shohim unazat e pluhurosura, stuhitë që shpërthejnë nëpër atmosferë dhe kapakun polar. NASA tani ka lëshuar një version të përmirësuar të imazhit, me më shumë gjatësi vale, në të cilin mund të shihen edhe disa nga 27 hënat e Uranit.
Duhet mbajtur parasysh se është shumë e vështirë të shihen unazat rreth Uranit me shumicën e teleskopëve, sepse ato përbëhen nga shkëmbinj të errët dhe pluhur, të cilët reflektojnë shumë pak dritë dielli. Përpara JWST, ato u fotografuan drejtpërdrejt nga vetëm dy teleskopë; një në anijen kozmike Voyager 2 në 1986 dhe Observatori Keck në Hawaii.
Por, JWST është një pajisje e veçantë. Është një teleskop hapësinor revolucionar, nëntë miliardë dollarësh me rreze infra të kuqe, që është njëqind herë më i ndjeshëm se teleskopi Hubble. Ai vëzhgon hapësirën kryesisht në spektrin infra të kuq, prandaj mund të depërtojë përmes reve “të errëta” gazi dhe pluhuri. Hubble operoi kryesisht në gjatësi vale optike dhe ultravjollcë.
Stuhi në atmosferë
Në foton e sapo publikuar, së bashku me unazat, mund të shohim edhe 14 nga 27 satelitët natyrorë që rrotullohen rreth gjigantit të akullit: Oberon, Titania, Umbriel, Julia, Perdita, Rosalind, Puck, Belinda, Desdemona, Cressida, Ariel, Miranda, Bianca dhe Portia.
Kapaku polar sezonal i reve në polin verior të planetit është gjithashtu i mrekullueshëm. Pranë dhe nën kufirin jugor të kapakut polar, ne mund të shohim disa re “të ndritshme” që ndoshta janë shkaktuar nga stuhitë e forta në atmosferën e këtij gjiganti të ftohtë, kaltërosh.
Nëse Toka do të kishte madhësinë e një molle të madhe, Urani do të ishte sa një top basketbolli
Urani është rreth katër herë më i madh se Toka. Nëse Toka do të kishte madhësinë e një molle të madhe, Urani do të ishte sa një top basketbolli. Duhen rreth 17 orë për t’u rrotulluar rreth boshtit të tij dhe rreth 84 vjet Tokë për të bërë një lëvizje rreth Diellit.
Ky planet i përket kategorisë së gjigantëve të akullit të cilët, ashtu si gjigantët e gazit (Saturni, Jupiteri), nuk kanë një sipërfaqe të përcaktuar. Pjesa më e madhe e masës së tij përbëhet nga një lëng i trashë materialesh “të akullta” – ujë, metan dhe amoniak. Atmosfera e tij përbëhet kryesisht nga hidrogjeni molekular dhe helium atomik, plus pak metan.
Pse Urani është i kaltër?
Metani në atmosferën e sipërme thith dritën e kuqe të Diellit dhe reflekton dritën e kaltër të yllit tonë në hapësirë. Kjo është arsyeja pse Urani ka një ngjyrë karakteristike kaltërosh. Është interesante që një numër i madh hënash rrotullohen rreth tij – deri në 27, dhe ato janë emëruar sipas personazheve nga veprat e William Shakespeare dhe Alexander Pope.
Për shkak të pjerrësisë së madhe të boshtit të tij të rrotullimit, rreth 98 gradë, Urani ka stinët më ekstreme në sistemin diellor. Për pothuajse një të katërtën e çdo viti Uranian, Dielli shkëlqen në njërin prej poleve të tij, ndërsa tjetri gjatë asaj kohe mbetet i zhytur në një dimër të errët, 21-vjeçar. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Prezantuesi i lajmeve në mediumin britanik ‘nën kujdes mjekësor’ pasi nuk u ndje mirë gjatë transmetimit të drejtpërdrejtë
Pentagoni thotë se do të ‘shpejtojë’ dërgimin e raketave Patriot në Ukrainë
Joe Biden thotë se është gati për debat zgjedhor – vjen përgjigja nga Donald Trump
Joe Biden thotë se është gati për debat zgjedhor - vjen përgjigja nga Donald Trump
Zelensky tregon tri llojet e armëve që i duhen Ukrainës për të mposhtur Rusinë
Ukraina tërheq nga vijat e frontit tanket amerikane Abrams për shkak të kërcënimeve nga dronët rus
Pentagoni thotë se do të 'shpejtojë' dërgimin e raketave Patriot në Ukrainë
Mercenari serb që lufton për rusët në Ukrainë i ankohet Putinit, thotë se nuk iu dha shtetësia ruse
Trump 2.0: Si po përgatiten aleatët e SHBA-së për një rikthim të tij në Shtëpinë e Bardhë?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë