Napoli thuhet se po konsideron zëvendësimet e mundshme për trajnerin Gennaro Gattuso, i cili pritet të largohet dhe drejtuesit kanë hartuar një listë me tre kandidatë.

Sipas mediumit Sky Sport Italia, Napoli tashmë ka filluar planifikimin për një jetë të mundshme pa trajnerin Gattuso në krye të ekipit.

Duket e vështirë për Gattuson të qëndrojë në Stadio Diego Maradona, edhe nëse do të siguronte një vend në Ligën e Kampionëve për sezonin e ardhshëm.

Materazzi: Napoli luan futbollin më të bukur në Itali falë Gattusos Materazzi: Napoli luan futbollin më të bukur në Itali falë Gattusos

Raporti pretendon se Presidenti Aurelio De Laurentiis tashmë ka hartuar një listë të zëvendësuesve të mundshëm dhe Luciano Spalletti nuk është emri befasues në listë.

Ish-trajneri i Interit dhe Romës është përmendur në lidhjet dhe bisedimet me klubin në javët e fundit dhe kjo nuk përbën më lajm.

Trajneri i Lille, Christophe Galtier përmendet nga Sky Sport Italia si një kandidat për pozicionin e trajnerit në Napoli.

54-vjeçari ka qenë në krye të Lille që nga dhjetori i vitit 2017, dhe kontrata e tij skadon në qershor 2021.

Emri tjetër në listë është Vincenzo Italiano, i cili ka ndihmuar Spezia në Serie A dhe duket se është në gjendje t’i mbajë ata edhe për një sezon në nivelin kryesor të futbollit italian.

Mediumi raporton tutje se duket se marrëdhënia midis Gattuso dhe De Laurentiis nuk u zgjidh kurrë në të vërtetë, por që presidenti do të përpiqej të bindte trajnerin të qëndronte nëse ai arrin të kualifikojë Napolin në Ligën e Kampionëve. /Telegrafi/