LAJMI I FUNDIT:

Nadal takon “vajzën e topave”, për t’i kërkuar falje – pasi e goditi me top

Nadal takon “vajzën e topave”, për t’i kërkuar falje – pasi e goditi me top

Tenisti i njohur botëror, Rafael Nadal, ka takuar dhe e ka puthur në faqe, vogëlushen që mbledh topa, pasi një top e goditi atë në ballë.

Sipas mediave të huaja, përcjell Telegrafi, numri një në botë ishte duke luajtur Federico Delbonis të Argjentinës në Australian Open në Melbourne të enjten kur goditi 13-vjeçaren Anita në fytyrë gjatë setit të tretë.

Pas kësaj, ylli i tenisit, 33-vjeçari spanjoll, nxitoi në ndihmë të vajzës dhe e puthi në faqe.

Siç bëhet e ditur, të premten, Nadal takoi vajzën dhe i dha një nënshkrim në kapelën e saj: ‘Për miken time Anita, gjitha më të mirat’.

Ai gjithashtu ndau një selfie të buzëqeshur në Instagram, pasi shkoi te Anita, për tu siguruar që ajo të ishte mirë.

Ndërsa Anita ka thënë se kurrë nuk e kishte paramenduar se do të mund të qëndronte bashkë me numrin një në botë dhe se ishte e prekur nga “sjelljet e tij”. /Telegrafi/