LAJMI I FUNDIT:

Murati: Manipulimi me listat e veteranëve mund ta dëmtojë përkohësisht kujtimin për UÇK-në

Murati: Manipulimi me listat e veteranëve mund ta dëmtojë përkohësisht kujtimin për UÇK-në

Kryetari i Lëvizjes për Bashkim, Valon Murati, ka vlerësuar se rrjedhja dhe publikimi i emrave të atyre që dyshohet se janë veteranë të rrejshëm dhe se përfitojnë në mënyrë të paligjshme është shkelje e privatësisë dhe e dinjitetit të emrave të publikuar, si dhe dëmtim që në fillim i procesit për të vendosur drejtësi në këtë proces delikat.

Murati, përmes një postimi në Facebook, ka thënë se “Kjo nuk është shenjë se ky proces do të jetë i mbarë, kur ka filluar aq mbrapshtë”, ka theksuar Murati.

Postimi i plotë i Muratit:

“Edhe njëherë mbi çështjen e veteranëve…

1. Rrjedhja dhe publikimi i emrave të atyre që dyshohet se janë veteranë të rrejshëm dhe se përfitojnë në mënyrë të paligjshme ështe shkelje e privatësisë dhe e dinjitetit të emrave të publikuar si dhe dëmtim që në fillim i procesit për të vendosur drejtësi në këtë proces delikat. Kjo nuk është shenjë se ky proces do të jetë i mbarë, kur ka filluar aq mbrapshtë.

2. Pasi që veç janë publikuar emrat, dhe aty gjenden edhe njerëz që dihet botërisht se kanë qenë pjesë e UÇK-së (personalisht kam bashkëluftëtarë që gjenden në atë listë), prokuroria ka obligim të sqarojë urgjentisht se si ka ndodhur që një numër kaq i konsiderueshëm i njerëzve për të cilët nuk ka dilema nëse kanë qenë pjesë e luftës çlirimtare, të gjenden në atë listë. Prokuroria duhet më detajisht të sqarojë, se çka ka menduar kur shkurtimisht ka komentuar se jo të gjithë në këto lista janë veteranë të rrejshëm, por përfitues të paligjshëm të skemës pensionale.

3. Krejt ky debat i ditëve të fundit, nuk duhet të na lëkund nga e vërteta se ky proces është manipuluar dhe se listat e veteranëve luftëtarë janë fryrë në njërën anë për çështje klineteliste të votës dhe në anën tjetër përfitime kriminiale materiale. Gjithashtu nuk duhet të lëkundemi nga përpjekjet për të vendosur drejtësi në këtë proces.

4. Dhe për fund, kjo fortunë, ky manipulim, mundet vetëm përkohësisht ta dëmtojë kujtimin për UÇK-në dhe luftën çlirimtare. Përndryshe në përjetësinë e kohëve, UÇK dhe lufta jonë çlirimtare do të mbetet si një prej kapitujve më të ndritur të historisë së kombit shqiptar. Të gjithë veteranët e vërtetë duhet të jenë krenar që ishin pjesë e këtyre faqeve të ndritura të historisë sonë”, ka shkruar Murati. /Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn

Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn

Lajme
Kalo në kategori