Prishtina ka pësuar humbje befasuese në shtëpi nga Drenica me rezultat minimal 0-1 në kuadër të xhiros së 17-të në Albi Mall Superligë.

Reklama

Kryeqytetasit tani janë katër ndeshje pa fitore, por ende mbesin në pozitën e katërt në tabelë.

Trajneri i Prishtinës, Ismet Munishi ka folur pas ndeshjes duke thënë se djelmoshat e tij luftuan shumë, por meritë për fitoren e Drenicës ka edhe portieri i ri Altin Gjokaj që bëri disa pritje të mëdha.

“Ishte një gol i hershëm, por nuk ishte gabim i lojtarit, pasi topi mori trajektore të çuditshme. Lojtarët dhanë 120 për qind”.

“Lojtar i ndeshjes ishte portieri i Drenicës, i cili ishte në formë të mirë. Përgëzoj lojtarët e mi për karakterin e treguar dhe neve na mungoi vetëm goli. Kemi hyrë në presionin e rezultateve dhe kjo sigurisht se ka ndihmuar në lojën me Drenicën”.

Reklama
Reklama

“Drenica është mbrojtur shumë mirë me dhjetë lojtarë në shumicën e kohës, derisa portieri priti disa gjuajtje”.

“Edhe pse ishte mbrojtje e ngjeshur, ne krijuam katër apo pesë raste të pastra për gol. Është kampionat i vështirë, por nuk duhet të ndalemi dhe me një luftë të tillë mund të kthehemi te rezultatet pozitive”, ka thënë Munishi.

Me këtë fitore Drenica ngritët në pozitën e gjashtë në tabelë me 20 pikë, derisa Prishtina mbetet në vendin e katërt me 23 sosh. /Telegrafi/