Kanë kaluar dy vite që kur artisti Gergely Dudas i kërkoi ndjekësve të tij që ta gjejnë pandën në mesin e qindra dordolecëve, dhe prej atëherë vazhdoi me krijimin e vizatimeve të ndryshme që kërkojnë përqendrim për t'i analizuar.
I njohur me nofkën Dudolf, ai së fundmi ka publikuar një figurë tjetër interesante në Facebook, ku nga fansat ka kërkuar edhe kësaj herë ta lodhin paksa kokën - ta gjejnë bretkosën në mesin e qindra gjetheve, transmeton Telegrafi.
Vizatimi ngjan më shumë me një xhungël, ku në mes të saj është e fshehur një bretkosë që ua ka vështirësuar punën të gjithë atyre që kanë tentuar ta lokalizojnë.
Mbi dymijë persona tashmë kanë tentuar ta gjejnë, por deri më tani të paktë kanë qenë ata që ia kanë arritur qëllimit. /Telegrafi/
