Ka nisur furishëm ndeshja çerekfinale mes Barcelonës dhe Bayern Munichut, ku brenda shtatë minutave janë shënuar dy gola.

Kanë mjaftuar vetëm katër minuta që klubi gjerman të gjejë golin e epërsisë.

Një top i humbur në mesfushë nga dyshja Busquets-De Jong bëri që bavarezët të ndërtojnë një aksion të mirë.

Robert Lewandowski asistoi për Thomas Muller i cili me një gjuajtje të fuqishme kaloi kampionin e Gjermanisë në epërsi.

Por vetëm tre minuta më vonë gjithçka u barazua në Estadio da Luz në Lisbonë.

Një harkim nga krahu i majtë bëri që David Alaba në tentim për ta larguar topin të shënoj një autogol spektkolar për të barazuar shifrat në 1-1. /Telegrafi/