Ndriçim Kulla
Shumica e shqiptarëve që kanë qenë dëshmitarë të imazhit publik që krijoi kryeministri Edi Rama me pamjen dhe veshjen e tij qëkur hyri në politikë, si një njeri që përfaqësonte gjeneratat e reja, kanë pritur që kur Rama të thinjej t’i lyente flokët ose ta hiqte mjekrën e tij që tani është thinjur e gjitha. Por, Rama nuk veproi kështu. Ai jo vetëm që nuk i leu flokët, por madje nuk e hoqi as mjekrën e thinjur.
Për një njeri që ka shumë kujdes për imazhin e vet publik, kjo gjë nuk është bërë ashtu kot, si shije personale e çastit. Rama në postin e ministrit të Kulturës, Rinisë dhe Sporteve, si dhe atë të kryetarit të Bashkisë së Tiranës, donte që t’u tregonte shqiptarëve imazhin e një njeriu të ri, shpesh edhe më të ri sesa mosha e tij reale, gjë që e justifikonte me idetë e tij që ishin të reja. Por, Rama në postin e Kryeministrit ka krijuar një tjetër imazh, atë të pushtetarit-kryeplak.
Rama e ka ndjerë se shqiptarët, ashtu si shumica e popujve të botës, për qeverisje iu besojnë përvojës së thinjave dhe të rinjtë në pushtet, çfarëdo qoftë ky, i pranojnë vetëm si përjashtime, kur janë talente, jo si rregull. Vetë Rama me modelin që krijoi dikur të njeriut dyfish të ri në politikë, edhe si prurje edhe si mendësi, ishte një përjashtim ndaj të cilit PD, përveç Berishës, nuk arriti t’i gjente një alternativë për shumë kohë për t’ia vënë përballë si kundërshtar direkt.
Fan Noli, kur përktheu dramën e Ibsenit, “Armiku i popullit”, fjalën “kryetar bashkie” e përktheu “kryeplak”. Kjo sepse në mendjen e tij qeveritari identifikohej me plakun e urtë, siç është në shumicën e vendeve të botës. Në zgjedhjet e fundit presidenciale në SHBA garuan një 69-vjeçare, Hillary Clinton, dhe një 70-vjeçar, Donald Trump. Kur partia e dytë më e madhe në Gjermani, ajo socialdemokrate, zgjodhi këtë vit liderin e ri për t’ ia kundërvënë Merkelit në zgjedhjet e vjeshtës, vuri në këtë detyrë një 61-vjeçar, Martin Schulz.
Në Shqipëri, modeli i plakut të urtë në politikë dhe pushtet u përdhos nga modeli i anëtarëve injorantë të Byrosë Politike të kohës së komunizmit. Por, meqenëse regjimi komunist krijoi modelin e udhëheqësit të plakur injorant, karrocier e bari, kjo nuk do të thotë të zhduket bashkë me këtë model edhe plaku i urtë, i shkolluar, i përgjegjshëm e me përvojë në politikë e në pushtet.
Para pak kohësh shpërthyen ujërat e zeza në Sarandë, në kulmin e sezonit turistik. Saranda është emblema e turizmit shqiptar – ose ndryshe si i thonë, nusja e tij – dhe kohët e fundit frekuentohet shumë, jo vetëm nga shqiptarët e të gjitha trojeve, por edhe nga turistë nga gjithë vendet e Evropës dhe më gjerë. Për këtë arsye, nëse kjo gjë do të kishte ndodhur në çdo qytet turistik të botës, kryetari i bashkisë do të kishte dhënë dorëheqjen, ose së paku do të dilte dhe do t’ u kërkonte falje turistëve dhe qytetarëve taksapagues që pësuan humbje ngaqë ai nuk i kishte kryer mirë detyrat e tij për të rregulluar infrastrukturën e qytetit. Kryetarja e Bashkisë së Sarandës, një vajzë e re që nuk do të ishte e përshtatshme as në rolin e zëdhënëses së kryetarit ose kryetares së Bashkisë Sarandë e jo më për modelin e kryeplakut të bashkisë të Nolit, nuk bëri as njërën as tjetrën. Të mbash fjalime për Sarandën si perla e turizmit shqiptar s’është asgjë. Të bësh detyrën është ajo që duhet në këtë drejtim
Si njeri që është lindur dhe rritur në atë zonë, unë ndjej një keqardhje të madhe për këtë që ndodhi dhe si intelektual bëj apel që të marrë fund ky model i të rinjve në detyra të tilla, përveçse kur janë vërtet të talentuar. Se, fakti që del një i ri i dhe futet në politikë, nuk do të thotë që pastaj të hapet rruga për të gjithë që të bëhen pushtetarë në nivel qendror e lokal.
Unë kam qenë kundërshtar politik i kryeministrit Rama në shumë momente, sepse idetë tona politike kanë qenë të papajtueshme në disa drejtime. Por, më duhet të pranoj me sportivitet se ai përsëri diti të gjejë imazhin e përshtatshëm publik, me një simbol që flet qartë dhe që është mjekra e tij e thinjur. Mjekra e thinjur duhet të bëhet një imazh simbolik që të shihet edhe në nivelin e pushtetit lokal në figurën e kryebashkiakut-kryeplak, burrë apo grua i/e urtë, me përvojë.
Lufta Prigozhin - Putin
Më shumëNë sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Pasuria e guvernatorit të BQK-së, drejtorit ATK-së dhe drejtorit të Doganës
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Çfarë dihet për varrezat masive në Gaza dhe çfarë ka ndodhur me ato të zbuluara në vende të tjera më parë?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre