As mjekët nuk kanë përgjigje, ishte i vdekur për 21 minuta – më pas u “ringjall” rrugës për në morg (Foto/Video)

Një postier nga Anglia është “ringjallur” 21 minuta pasi mjekët e kishin shpallur të vdekur, kurse masa po e cilëson si “mrekulli” rikthimin e tij në jetë.

Joao Araujo, 48-vjeç, ishte pranë timonit dhe po dërgonte gruan në punë, kur u sëmurë dhe humbi vetëdijen. Dhe pas shumë tentimeve për ta rikthyer në jetë, mjekët ia kumtuan lajmin e hidhur familjarëve të tij, transmeton Telegrafi.

E kur infermieret po e dërgonin nga qendra e kujdesit intensiv për në morg vërejtën se ai po lëviz. Menjëherë e rikthyen në qendrën intensive, ku e konstatuan se është gjallë.

Postman dubbed a miracle after he 'died' then came back to life on the way to the morgue Medics were left dumbfounded when a post man who had 'died' of cardiac arrest came back to life as he was being wheeled to the morgue.Joao Araujo, 48, bent over at t… https://t.co/tgYucD1M38 pic.twitter.com/qfpDLkcctV

— gistmattaz (@_gistmattaz) March 25, 2019

Aty një grup mjekësh pranuan se nuk kanë ndonjë përgjigje se si ka ndodhur kjo, dhe se si ka mundur të rikthehet në punë pas tri javëve. E në kartonin e tij të shëndetit, thuhet se kishte pësuar “rikthim spontan të qarkullimit”, kurse Joao në repartin e sëmundjeve të zemrës ka fituar nofkën e “burrit mrekulli”.

“Ky rast më ka ndryshuar shumë. Çdo ditë po i çmoj më shumë gjërat që më ndodhin. Jam shumë falënderues që jam ende gjallë. Tani çmoj më shumë familjarët dhe miqtë. E pasi që në spital nuk kishin ndonjë shpjegim për rastin tim, kanë filluar të më quajnë burri mrekulli”, ka deklaruar Joao të cilit i kanë thënë mjekët se nuk ka pësuar kurrfarë dëmtimi në zemër apo tru. /Telegrafi/