LAJMI I FUNDIT:

Ministri Gashi: Shpëtim Bajoku e meritoi fitoren, gjyqtarët dhanë vlerësim të padrejtë

Ministri Gashi: Shpëtim Bajoku e meritoi fitoren, gjyqtarët dhanë vlerësim të padrejtë
Besim Hasani dhe Kujtim Gashi (Foto: Kosovo National Olympic Committee)

Ministër i Kulturës, Rinisë dhe Sportit, Kujtim Gashi, është shprehur i dëshpëruar me eliminimin e hershëm të Shpëtim Bajokut në Lojërat e dyta Evropiane që po mbahen në Minsk të Bjellorusisë.

Boksieri kosovar ka humbur në përballje me Ahmad Shtiwin e Izraelit në kategorinë deri në 64 kilogramë, derisa gjyqtarët vendosën ta vlerësonin izraelitin 4-1 me pikë. Ministri Gashi tha se ishin të bindur që boksieri jonë do ta fitonte atë përballje, mirëpo vendimi i gjyqtarëve nuk ishte korrekt.

“Ishim të sigurt që Shpëtim Bajoku do të fitonte, mirëpo gjyqtarët na befasuan me vendimin e tyre pasi ishte një vendim i padrejtë”, ka thënë ministri Gashi në një intervistë për RTK-në.

“Ky vlerësim na zhgënjeu edhe neve si pjesëmarrës. U vërejt se kishte probleme edhe sot në ndarjen e drejtësisë, pasi Shpëtimi zhvilloi një përballje të mirë dhe vërehet se ka talent të jashtëzakonshëm”, ka shtuar ministri, i cili ka folur edhe për eliminimin e Akil Gjakovës nga xhudo, duke thënë se ishte i ngutur që ta përfundonte përballjen para kohe.

“Këtu jam për t’i përcjellë të gjitha përballjet në Minsk. Ajo që u pa në përballjen e Akilit se kishte shumë vetëbesim dhe u pa se ngutej që ta përfundonte përballjen më herët, por ne tashmë kemi fituar dy medalje edhe pse kemi pritur medalje nga Akili, por shpresojmë që Loriana Kuka të na sjellë edhe një medalje”, ka deklaruar Gashi.

Shpëtim Bajoku i pafat, eliminohet nga Lojërat e dyta Evropiane
Lexo po ashtu Shpëtim Bajoku i pafat, eliminohet nga Lojërat e dyta Evropiane

Më tej, ministri i Kulturës, Rinisë dhe Sportit ka treguar se si do të ndahen shpërblimet për Majlinda Kelmendin dhe Nora Gajkovën që kanë fituar medalje.

“Në rregullore specifikohet se si sportistët do t’i marrin shpërblimet. Medalja e artë e Majlindës do të ketë vlerën më të madhe dhe do të shpërblehet nga shteti i Kosovës, por edhe do të ketë edhe një ceremoni të veçantë kur të kthehemi. Majlinda, Nora, por edhe sportistët e tjerë që fitojnë medalje dhe ata që s’kanë fituar, do t’i shpërblejmë për t’u dhënë një vullnet më të madh për të ardhmen”, ka shtuar Gashi. /Telegrafi/

Në trend Sport

Më shumë
Reagon babai i Olti Hysenit, pas deklaratës 'bombastike' të lojtarit të talentuar

Reagon babai i Olti Hysenit, pas deklaratës 'bombastike' të lojtarit të talentuar

Përfaqësuesja e Kosovës
Një minutë në fushë kushton 2 milionë euro – dështimi më i madh i Chelseat nga blerjet e fundit

Një minutë në fushë kushton 2 milionë euro – dështimi më i madh i Chelseat nga blerjet e fundit

Premier League
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga
Kalimi te Real Madridi nuk ka të bëjë me paratë: Zbulohet pasuria neto e Kylian Mbappes

Kalimi te Real Madridi nuk ka të bëjë me paratë: Zbulohet pasuria neto e Kylian Mbappes

Ligue 1
Agjenti i Alphonso Davies godet Bayernin, shpjegon situatën e kanadezit

Agjenti i Alphonso Davies godet Bayernin, shpjegon situatën e kanadezit

Bundesliga
Real Madridi fërkon duart, shumë lojtarë të Man Cityt kthehen të dëmtuar nga kombëtaret

Real Madridi fërkon duart, shumë lojtarë të Man Cityt kthehen të dëmtuar nga kombëtaret

Liga e Kampionëve
Kalo në kategori