Milwaukee Bucks ka fituar ndeshjen e katërt në përballje me Atlanta Hawks për të shkuar në finalen e madhe.

Pas 48 minutave lojë, rezultati në fund ishte 107:118 në të mirë të Bucks që mposhtin në serinë finale të Konferencës Atlanta Hawksin me rezultat të përgjithshëm 4-2.

Ishte një ndeshje shumë e barabartë në dy çerekët e parë, por në të tretin (29:44), Bucks u shkëputën në rezultat për mos ta humbur më epërsinë e thellë.

Në mungesë të lojtarit të tyre kryesor Giannis Antetokounmpo, te Bucks, Khris Middleton ka qenë fantastik në këtë takim.

Ylli amerikan realizoi 32 pikë, pati shtatë asistime e katër kërcime.

Me lojë të mirë te fituesit u dallua edhe Jrue Holiday me 27 pikë, nëntë kërcime e nëntë asistime.

Bucks tani në finalen e madhe të NBA-së do të takohen me Phoenix Suns. /Telegrafi/