Mickoski: Qeveria kërkon të mbyllë TEC Manastir dhe Osllomej

Kryetari i OBRM-PDUKM-së, Hristijan Mickoski, ka akuzuar sot se Qeveria kërkon të mbyllë TEC Manastir dhe Osllomej duke marrë kredi prej 100 milionë euro.

Ai theksoi se nuk do të lejojnë që kjo të ndodhë dhe se do të gjejnë mjete për modernizimin e këtyre dy kombinateve prodhuese. Në lidhje me tenderin e planifikuar për ndërtimin e hidrocentralit të Çebrenit, Mickovski tha se Qeveria do t’i japë si prikë TEC Tikvesh, përkatësisht hidrocentralin e Tikveshit, i cili tashmë është paguar dhe tani prodhon energji elektrike.

“Duke e nënshkruar këtë kredi apo hua, ata u zotuan që deri në fund të vitit 2023 të mbyllet Osllomej, dhe deri në fund të vitit 2027 të mbyllet TEC Manastir, që drejtpërdrejt në rrugë do të mbesin katër mijë persona dhe të paktën dyzet mijë të tjerë, të cilët bashkëpunojnë me SHA EMV, do të pësojë humbje serioze në funksionimin aktual.

Njerëzit që kanë punuar në aktivitetet e riparimit, furnitorët, etj. Është një qasje e gabuar në politikën energjetike që ndikon drejtpërdrejt në sovranitetin politik të Maqedonisë. Në kohën e LSDM-së, borxhi është rritur mesatarisht për 590 milionë euro në vit, ndërsa PBV-ja është rritur mesatarisht për 430 milionë në vit. Pra, paratë u morën hua dhe u shpenzuan jo për të rritur prodhimin, por ose për ta vjedhur ose për t’i shpenzuar me qëllim, për të cilën llogaria – teprica është minus 160 milionë.

Qeveria e OBRM-PDUKM-së ka marrë mesatarisht 290 milionë hua në vit, por kjo është arsyeja pse BPV-ja është rritur mesatarisht për 418 milionë euro. Pra, llogaria ishte pozitive dhe bilanci ishte plus 128 milionë”, tha Mickovski.