Mënyra të thjeshta për të shkrirë dhjamin e barkut pa ushtrime

Ngritja e peshave në palestër ose vrapimi në një rutinë të përditshme, sigurisht që nuk është për të gjithë. Pavarësisht nëse thjesht keni frikë të shkoni në palestër ose nuk i pëlqeni ushtrimet tradicionale të strukturuara, ende mund të jeni në formë dhe të arrini qëllimet tuaja të fitnesit.

Amy Shapiro – themeluesja dhe drejtoresha e Real Nutrition, një praktikë private me bazë në New York, e dedikuar për të udhëhequr klientët e shëndetshëm dhe të suksesshëm drejt ushqimit, peshës dhe shëndetit të tyre optimal – ndan disa mënyra për të humbur pa mundim dhjamin e barkut “pa stërvitje”.

Lexo po ashtu Nëntë ushtrime për bark të rrafshët: Eliminoni dhjamin për një muaj!

Kufizoni karbohidratet

Eliminimi i karbohidrateve të pashëndetshme nga dieta juaj është një mënyrë e pagabueshme për të hequr qafe fryrjen e padëshiruar. Ushqimet e tilla, si proteinat, yndyrnat e shëndetshme dhe fibrat, ju bëjnë të ndiheni të ngopur.

Karbohidratet e thjeshta dhe të rafinuara, si orizi i bardhë, makaronat, buka e bardhë, pastat, ëmbëlsirat me sheqer dhe disa drithëra mëngjesi, nuk i ofrojnë këto lëndë ushqyese jetike. Në vend të kësaj, ato ju mbushin me kalori boshe që do t’ju lënë të ndiheni të uritur menjëherë pasi t’i përfundoni ato.

Përfshini perimet në dy vakte në ditë

Perimet e freskëta ofrojnë fibra, ujë dhe volum, të gjitha këto do t’ju ndihmojnë të qëndroni më të ngopur për një kohë më të gjatë. Për më shumë, kanë pak kalori dhe pak yndyrë, kështu që nuk do t’ju shëndoshin edhe nëse hani shumë prej tyre.

Ekspertja rekomandon shtimin e perimeve në dy vakte çdo ditë. Ju gjithashtu mund të përgatisni një smoothie freskues me perime dhe fruta për të maksimizuar humbjen e yndyrës në bark.

Lexo po ashtu Shprehitë që duhet larguar për të pasur bark të sheshtë

Hani proteina

Marrja e proteinave pa yndyrë përmes ushqimeve, si gjizë, gjoks pule pa lëkurë, salmon, kos, peshk i bardhë dhe të bardhën e vesë, është objektivi i duhur nëse doni të humbni peshë. Ekspertja rekomandon të konsumoni rreth 0.8 gram deri në 1 gram për kilogram të peshës trupore. Kjo ju ndihmon të qëndroni të ngopur, menaxhon sheqerin në gjak, frenon dëshirat dhe mbështet rritjen e muskujve duke nxitur metabolizmin.

Pini mjaftueshëm ujë

Eliminimi i pijeve me sheqer është një ide e zgjuar, pasi ato janë një tjetër burim i kalorive boshe dhe pa lëndë ushqyese. Zëvendësoni ato dhe fokusohuni në pirjen e sasive më të mëdha të ujit.

Uji ndihmon në përshpejtimin e metabolizmit dhe ju mbush. Kur ndiheni të uritur, shpesh jeni të dehidratuar dhe ngatërroni etjen me urinë. Para se të hani, pini një gotë ujë dhe rikthejeni urinë për disa minuta. /Telegrafi/