Memeti: Mesazhet e Avokatit të Popullit gjithmonë injorohen

Avokati i Popullit Ixhet Memeti në intervistën javore për Radio Evropa e Lirë, deklaroi se mesazhet themelore të cilat dalin nga Avokati i Popullit për situata dhe fusha të ndryshme, ngelin në sirtaret e Kuvendit, përcjell Telegrafi Maqedoni.

“Fatkeqësisht, mesazhet themelore të cilat dalin nga Avokati i Popullit për situata dhe fusha të ndryshme, ngelin në sirtaret e Kuvendit. Për arsye se pushteti ligjvënës ose nuk dëshiron, ose është në një pozitë të tillë që nuk mund të kontrollojë pushtetin ekzekutiv, gjegjësisht ata janë doreza në duart e pushtetit qendror, i cili e kontrollon atë ligjvënës. Avokati i Popullit gjatë hetimeve të tij gjen probleme dhe punon për Kuvendin, për qytetarët, por për çfarë vlen kjo? Asgjë.”, deklaroi mes tjerash Memeti.

Ndërsa i pyetur se ata si institucion i vetëm a mund të ndikojnë në përmirësimin e situatës aktuale, ai tha se është e vështirë që pa ndihmën e institucioneve shtetërore të mund të punojnë dhe të përçohen mesazhet e tyre./Telegrafi/