Megan Rapinoe e mbylli karrierën në mënyrën më tronditëse të mundshme

Megan Rapinoe kishte një fund pikëllues të karrierës së saj profesionale pasi u detyrua të largohej nga fusha shkaku i lëndimit të pësuar vetëm tre minuta në ndeshjen e saj të fundit.

38-vjeçarja njoftoi përpara Kupës së Botës të verës së kaluar se do të pensionohej nga futbolli në fund të sezonit NWSL me OL Reign.

Dhe skuadra e saj arriti në finalen e Kampionatit NWSL – duke i dhënë Rapinoes mundësinë për të fituar titullin e parë të ligës në karrierën e saj.

Por, mundësia përfundoi në pikëllim për mesfushoren, e cila pësoi një lëndim në akil në fazat e hershme të ndeshjes.

Kamerat u duk se tregonin se këmba e Rapinoes ishte thyer dhe ajo ra në tokë në agoni.

Pas trajtimit, mesfushorja u largua nga fusha për të duartrokitur në këmbë dhe në fytyrën e saj kishte mjaft emocione teksa u paraqit për herë të fundit si një lojtare profesioniste.

Rapinoe doli në pension si një nga lojtaret më të mëdha të USWNT ndonjëherë, pasi ka fituar dy Kupa Botërore dhe ka fituar Topin e Artë Feminin në 2019 – kjo e fundit me një diferencë rekord përpara fitores së Aitana Bonmatit në 2023.

Ajo shënoi 63 gola në 203 paraqitje për ekipin e saj kombëtar, ndërsa 73 asistimet e saj janë të tretat më së shumti nga një lojtare amerikane në nivel ndërkombëtar. /Telegrafi/

Megan Rapinoe’s final professional game was cut short as she limped off inside the first five minutes of the NWSL Final 💔

(via @AttackingThird)

pic.twitter.com/b6tI69Pu1Z

— B/R Football (@brfootball) November 12, 2023