I mbijetuar i vetëm i tragjedisë ajrore në Indi – shihet me dëmtime të lehta në fytyrë dhe duke çaluar

Pas informacioneve se një nga pasagjerët ka mbijetuar nga rrëzimi i aeroplanit të Air India, në rrjetet sociale është shfaqur një video e të mbijetuarit, i cili ka kontaktuar familjen me anë të celularit.

Viswashkumar Ramesh i ka mbijetuar aksidentit ajror në qytetin Ahmedabad, ku humbën jetën 242 pasagjerë dhe mbi 50 civilë.

Në videon që po qarkullon në rrjetet sociale, Ramesh shihet me dëmtime të lehta në fytyrë dhe çalon në njërën këmbë.

Lexo po ashtu Fat në fatkeqësi - flet shtetasi britanik që i mbijetoi rënies së aeroplanit në Indi

Ajo që e bën mbijetesën edhe më të pabesueshme është fakti se biletën e kishte për vendin 11A, që ndodhet në pjesën e përparme të aeroplanit.

Kjo pjesë e aeroplanit goditi një ndërtesë banimi, e cila u shkatërrua plotësisht, duke shkaktuar viktima edhe në mesin e civilëve që ndodheshin brenda saj.

Times of India njoftoi më herët se aeroplani Boeing 787 Dreamliner i kompanisë Air India, që ishte nisur për në Londër, u rrëzua pak pas ngritjes nga aeroporti ndërkombëtar Sardar Vallabhbhai Patel. /Telegrafi/

Footage claimed to show the only current survivor of Air India 171, Viswashkumar Ramesh, walking around dazed and confused immediately following this morning’s crash in Ahmedabad, India. pic.twitter.com/PkoGhc9kPd

— OSINTdefender (@sentdefender) June 12, 2025