Marrëveshja e Microsoft për blerjen e Activision Blizzard merr miratimin paraprak nga rregullatori i Mbretërisë së Bashkuar

Autoriteti i Konkurrencës dhe Tregjeve në Mbretërinë e Bashkuar (CMA) ka dhënë miratimin paraprak që Microsoft të vazhdojë tutje me marrëveshjen e saj për blerjen e Activision Blizzard me një vlerë prej 69 miliardë dollarësh.

CMA fillimisht e kishte bllokuar blerjen mbi shqetësimet e lojërave cloud, por Microsoft së fundi ristrukturoi marrëveshjen për të transferuar të drejtat e lojërave cloud për lojërat aktuale dhe të reja Activision Blizzard te Ubisoft.

Në një memo për punonjësit, shefi i Xbox, Phil Spencer e quajti atë “një zhvillim pozitiv dhe një tregues i mirëpritur që puna jonë e palodhur po na afron me qëllimin tonë”, raporton The Verge, përcjell Telegrafi.

We are encouraged by this positive development in the CMA’s review process. We presented solutions that we believe fully address the CMA’s remaining concerns related to cloud game streaming, and we will continue to work toward earning approval to close prior to the October 18…

— Brad Smith (@BradSmi) September 22, 2023

“CMA konsideron se marrëveshja e ristrukturuar bën ndryshime të rëndësishme që adresojnë në mënyrë thelbësore shqetësimet që ajo vendosi në lidhje me transaksionin origjinal në fillim të këtij viti”, tha CMA në një njoftim për shtyp dhe “hap derën për kompletimin e marrëveshjes”.

Ky është vetëm një vendim paraprak, përpara miratimit përfundimtar. CMA thotë se tani ka hapur një konsultim për të marrë komente nga palët e treta mbi zgjidhjet e propozuara të Microsoft, deri më 6 tetor. Një vendim përfundimtar pritet përpara afatit të zgjatur të 18 tetorit.

Microsoft në anën tjetër është treguar mjaft optimist për vendimin. “Ne kemi paraqitur zgjidhje që besojmë se adresojnë plotësisht shqetësimet e mbetura të CMA-së në lidhje me transmetimin e lojërave në ‘cloud-in’ kompjuterik dhe do të vazhdojmë të punojmë për të fituar miratimin për t’u mbyllur përpara afatit të 18 tetorit”, bëri të ditur presidenti i Microsoft, Brad Smith në profilin e tij në profilin e tij në X.

Activision Blizzard është gjithashtu i kënaqur me përgjigjen e CMA. “Ky është një moment historik i rëndësishëm për bashkimin dhe një testament për punën tonë të orientuar drejt zgjidhjeve me rregullatorët”, kishte thënë drejtori ekzekutiv i Activision Blizzard Bobby Kotick në një deklaratë dërguar punonjësve. /Telegrafi/