Maradona kërkon falje për ndezjen e cigares: Ishte një ditë e vështirë për argjentinasit, nuk e dija se është e ndaluar tymosja

Legjenda argjentinase, Diego Armando Maradona ka kërkuar falje për ndezjen e një cigare kubaneze në stadium gjatë ndeshjes së Argjentinës ndaj Islandës.

Argjentina e nisi Kupën e Botës “Rusia 2018” me një barazim befasues 1-1 ndaj Islandës, ku Lionel Messi humbi një penallti.

Përveç kësaj humbje, vëmendja ishte edhe tek gjesti i legjendës El Pibe de Ore, i cili në stadium e ndezi një cigare duke thyer rregullat e vendosura.

Lexo po ashtu Për Maradonën nuk vlejnë rregullat e Botërorit, ai ndez cigaren në stadium

Megjithatë, nuk ka vonuar shumë dhe Maradona ka kërkuar falje për gjestin e tij, duke thënë se nuk e dinte se një gjë e tillë është e ndaluar.

“Për argjentinasit ishte një ditë e vështirë dhe me shumë tension që në debutim”, ka shkruar fillimisht Maradona në profilin e tij në Instagram.

“Gjithsecili jeton sipas mënyrën së tij dhe i ndjen gjërat po sipas mënyrës së tij”.

“Sinqerisht u them se nuk e dija që ishte e ndaluar të tymosja në stadium”.

“Unë u kërkoj falje të gjithë njerëzve dhe organizatorëve”.

“Forca Argjentina! Përpara djem! Tani, më shumë se kurrë!”, ka mbyllur shkrimin e tij legjenda argjentinase. /Telegrafi/

Today was a difficult day for the Argentines, with a lot of tension in our debut in the World Cup. Everyone has their way of feeling things. I honestly did not know that no one can smoke in the stadiums. I apologize to everyone and the organization. Come on Argentina, let's support our guys, now more than ever! – – – – – – – – – Hoy fue un día complicado para los argentinos, con mucha tensión por el debut. Cada uno tiene su forma de ser y de sentir las cosas. Sinceramente no sabía que no se podía fumar en el estadio, pido disculpas a la gente y a la organización. Vamos Argentina, vamos nuestros muchachos, ahora más que nunca!!!

A post shared by Diego Maradona Oficial (@maradona) on Jun 16, 2018 at 12:05pm PDT