Maqedoni, rriten çmimet e materialit riprodhues në bujqësi

Çmimet e materialit riprodhues, punës dhe shërbimeve në bujqësi në tetor të këtij viti janë rritur për 19,9% krahasuar me të njëjtin muaj të vitit të kaluar, njoftoi Enti Shtetëror i Statistikave. Indeksi i çmimeve për prodhimin bujqësor u rrit me 10.3%.

Rritja më e madhe e çmimeve është vërejtur te plehrat minerale, të cilat në tetor të këtij viti ishin 58.1% më të shtrenjta krahasuar me tetorin e vitit të kaluar 2021.

Çmimet e energjisë dhe naftës, nga ana tjetër, në tetor të këtij viti ishin 27.4% më të larta se vitin e kaluar. Çmimet e ushqimit për kafshët janë rritur me 16.1%, ndërsa çmimet e farave janë rritur me 10.4%.

Nga ana e prodhimit, rritja më e lartë e çmimeve në tetor të këtij viti është te drithërat dhe orizi, të cilat janë më të shtrenjta për 43,1 për qind në krahasim me tetorin e vitit të kaluar, si dhe te patatet, çmimet e të cilave janë rritur me 26,5 për qind në një vit.

Rritja e çmimit të plehrave artificiale është për shkak të dy faktorëve kryesorë – rënies së eksporteve nga Rusia dhe Ukraina dhe rritjes së çmimeve të gazit të përdorur nga disa prej prodhuesve më të mëdhenj.

Çmimet e larta të plehrave artificiale dhe energjisë rrisin në mënyrë drastike koston e prodhimit të ushqimit në vend, por edhe në botë, për shkak të së cilës shumë fermerë vendosin të ulin prodhimin ose të përdorin më pak plehra, gjë që përfundimisht do të reflektohet në një kulture më të vogël.

Rritja e madhe e çmimit të këtyre dy inputeve, sidomos pas luftës në Ukrainë, është shkaku kryesor i inflacionit të lartë dhe rritjes së çmimit të ushqimeve në Maqedoni, por edhe në nivel botëror.

Sipas të dhënave të fundit të Entit Shtetëror të Statistikave, inflacioni në tetor të këtij viti ishte 19,8%, ndërsa çmimet e ushqimeve në tetor ishin më të larta për 31,2% krahasuar me tetorin e vitit të kaluar.