Lukaku i pakënaqur te Chelsea, dëshiron rikthimin te Interi

Romelu Lukaku është i pakënaqur te Chelsea dhe ai thuhet se është i gatshëm të pranojë një ulje page për t’u rikthyer te Interi.

Sulmuesi belg u kthye në Stamford Bridge në një marrëveshje prej 115 milionë eurosh në verë, por ka shënuar vetëm dhjetë gola me Chelsean deri më tani dhe u la në stol për ndeshjen e tyre në Ligën e Kampionëve kundër Lille të martën.

Thomas Tuchel ka pranuar se nuk di ta përfshijë më shumë Lukakun në taktikat e tij dhe sulmuesi është i pakënaqur në Londër, ku nuk është vendosur ende.

Lexo po ashtu Lukaku shpërthen në intervistën e fundit ndaj Tuchel dhe Chelseat: Nuk jam i lumtur, por nuk dorëzohem – dua të kthehem te Interi

Në dhjetor, Lukaku u kërkoi falje tifozëve të Interit për mënyrën se si ishte larguar gjatë verës, duke thënë se do të dëshironte të kthehej në klub herët a vonë.

Sipas La Gazzetta dello Sport, Lukaku ëndërron të rikthehet në Inter dhe është gati të pranojë një ulje page për të veshur sërish fanellën e Nerazzurrëve.

Ai është në kontakt me disa prej drejtorëve të Interit dhe është i vetëdijshëm se rikthimi i tij do të ishte një operacion i rëndë për financat e klubit.

Prandaj, ai do të ishte gati të bënte një ulje page për të luajtur përsëri me Interin.

Për momentin rikthimi i Lukakut nuk është në planet e klubit. Gianluca Scamacca i Sassuolos është objektivi i tyre prioritar për verën, por, ndoshta, qëndrimi i klubit ‘mund të ndryshojë me kalimin e kohës’. /Telegrafi/

Inter-Lukaku: il club ha altri piani, ma Rom è pronto a ridursi l’ingaggio #calciomercato https://t.co/79xti4qAGX

— La Gazzetta dello Sport (@Gazzetta_it) February 24, 2022