Lukaku nuk i kursen thumbimet ndaj Chelseat dhe Tuchelit në intervistën e parë pas rikthimit te Interi

Romelu Lukaku e ka dhënë intervistën e parë pas rikthimit te Interi dhe nuk kanë munguar disa thumbime drejt Chelseat dhe trajnerit Thomas Tuchel. Ai i ka quajtur vëllezër bashkëlojtarët zikaltër, derisa ka pohuar se ka pasur kontakte të vazhdueshme me Simone Inzaghin edhe sa luante në Angli.

Sulmuesi belg u largua në verën e kaluar për 113 milionë euro pas suksesit të madh me Nerazzurrët, mirëpo u pendua menjëherë për vendimin e tij, duke qenë se nuk mund ta shfaqte potencialin në taktikat e strategut të Bluve.

“Interi më ka dhënë shumë dhe tash shpresoj të luaj akoma më mirë se herën e kaluar”, ka thënë ai në intervistën për faqen e klubit.

Lexo po ashtu Lukaku do ta bartë numrin 90 te Interi, çfarë nënkupton kjo për Dzekon

“Është si një rikthim në shtëpi. Mendoj se familja ime dhe unë ishim vërtet të lumtur në Milano falë tifozëve dhe bashkëlojtarëve të mi”.

Hear what Big Rom has to say 🗣➡️
Watch the full interview here 👉 https://t.co/UpC4Lb5nM5 pic.twitter.com/vnyAKZlyY5

— Inter ⭐⭐ (@Inter_en) June 29, 2022

“Afeksioni i tifozëve dhe bashkëlojtarëve të mi, por edhe mundësia për të punuar me trajnerin. Kam qenë në kontakt me të gjatë gjithë sezonit të kaluar. Mendoj se trajneri po bën mirë me skuadrën, kështu që unë dua të kontribuoj për të bërë atë që është më e mira për këtë klub”, ka deklaruar 29-vjeçari kur është pyetur se çfarë e bindi të kthehej.

“Kam folur pothuajse me të gjithë. I falënderoj të gjithë, sepse doja të kthehesha këtu, por edhe ata bënin përpjekje për rikthimin tim. Më duhet t’i falënderoj, sepse janë si një familje: janë vëllezërit e mi”.

Lexo po ashtu Bashkëbisedimi i Lukakut me presidentin e Interit – sulmuesi premtoi shumë gola

Welcome back Rom 🖤💙 pic.twitter.com/VNnIZyMjs5

— Inter ⭐⭐ (@Inter) June 29, 2022

“Unë nuk jam një lojtar individualist, gjithmonë mendoj për ekipin. Unë dua që Interi të fitojë dhe do të bëj gjithçka që është e mundur si në stërvitje, ashtu edhe në fushë për ta ndihmuar Interin të fitojë”.

“Jam i lumtur që jam kthyer këtu. Do të jap gjithçka nga vetja çdo ditë për t’i bërë sërish të lumtur tifozët dhe bashkëlojtarët e mi”, ka përfunduar Lukaku. /Telegrafi/