Luis Ortiz do ta kërkojë titullin WBC në kategorinë e peshave të rënda për herë të dytë, në duelin e 23 nëntorit kundër kampionit në fuqi, Deontay Wilder, që zhvillohet në MGM Grand Garden Arena në Las Vegas të Nevadës.

Boksieri i njohur me nofkën ‘King Kong’ ka folur për gazetarët në lidhje me rimeçin e shumëpritur të këtij muaji.

Wilder paralajmëron meç të fortë ndaj Ortizit: Do ta nokautoj Wilder paralajmëron meç të fortë ndaj Ortizit: Do ta nokautoj

“Objektivi im kryesor gjithmonë ka qenë që të bëhem kampion në peshat e rënda dhe ai objektiv nuk është zbehur aspak. Nuk e kam humbur aspak këtë uri. Nuk i nënshtrohesh torturës në një kamp stërvitor në këtë nivel vetëm sa për t’u treguar”.

“Nuk e di nëse Deontay do të jetë i përmirësuar për këtë meç, por unë do të jem versioni shumë më i mirë i vetvetes më 23 nëntor. Nëse më jepet rasti si herën e kaluar, nuk do të ndalem duke e goditur derisa të marrë fund. Do kërkoj dhe shkatërroj”.

“E kam thënë më herët dhe po e them sërish, ky meç do të përfundojë me nokaut. Ose unë do ta nukautoj atë ose ai do të më nokautojë mua… Por, ai nuk do të më nokautojë mua”, ka deklaruar Ortiz. /Telegrafi/