LAJMI I FUNDIT:

“Lufta e fshehtë teknologjike”, njësia ukrainase që operon me dronët – shumica prej tyre janë ekspertë të IT-së

“Lufta e fshehtë teknologjike”, njësia ukrainase që operon me dronët – shumica prej tyre janë ekspertë të IT-së

Ushtari ukrainas Dmytro Podvorchanskyi që është pjesë e batalionit të parë në Dnipro, thotë se “tani po ballafaqohen me dy beteja të mëdha, e para është beteja me artileri dhe ajo e teknologjisë”, shkruan BBC.

Dmytro është bërë pjesë e luftës së dytë më të madhe. Ai udhëheq njësinë prej 10 ushtarëve, që ndryshe njihet si njësi e inteligjencës së dronëve në Dnipro, transmeton Telegrafi.

Ai pranoi se i pëlqen t’i referohet kështu pjesëtarëve të njësisë së tij, që janë kryesisht nga fusha e teknologjisë informative. Shumica prej tyre janë vullnetarë, dhe kanë një të kaluar të begatshme në TI dhe njihen me njëri-tjetrin vetëm prej se ka filluar lufta në Ukrainë.

Në telefonin e mençur, njëri prej pjesëtarëve të kësaj njësie shfaq pamjet nga droni që kishin për objektiv makinerinë luftarake ruse.

Ushtria ukrainase shkatërron kolonën e tankeve ruse – publikojnë pamjet kur një mjet i blinduar hidhet në erë
Lexo po ashtu Ushtria ukrainase shkatërron kolonën e tankeve ruse – publikojnë pamjet kur një mjet i blinduar hidhet në erë

“Një tank, tre apo katër të shtëna nga artileria, dy mortaja dhe gjashtë predha”, kështu Dmytro i liston një nga një armët e përdorura.

“Rezultatet e mira u arritën nga vetëm 10 njerëz”, shtoi ai, duke iu drejtuar gazetarit të BBC-së me një dozë buzëqeshje.

Ai me njësinë e tij tashmë kanë luftuar në Rubizhne dhe Severodonetsk, qytete këto të pushtuara nga rusët. Tani po bëhen gati të mbrojnë Slovyanskun.

“Mendoj se Slobyansku do të jetë caku i madh i radhës për Rusinë”, tha njëri nga pjesëtarët e njësisë.

E kur është pyetur nëse mendon se do të mund t’ju rezistojnë dhe të ndalin avancimin e rusëve, ai me bindje të plotë tha shkurt “po”.

Nga sulmi me sistemin raketor HIMARS, ukrainasit vrasin 12 oficerë rusë – Putin i nervozuar që S-400 nuk po e mbron ushtrinë e tij
Lexo po ashtu Nga sulmi me sistemin raketor HIMARS, ukrainasit vrasin 12 oficerë rusë – Putin i nervozuar që S-400 nuk po e mbron ushtrinë e tij

Dronët apo fluturaket pa pilot janë përdorur në shumë luftëra, por jo edhe në këtë shkallë siç po përdoren në Ukrainë. Po cilësohen si armët kyçe si nga rusët ashtu dhe nga ukrainasit.

Të dy palët kanë dronë ushtarakë – siç është rasti i atij rus Orlan-10 apo ai i ukrainasve Bayraktar që prodhohet nga Turqia. Ata shpesh janë shumë të shtrenjtë dhe kompleks, por që mund të përdoren lehtë për të goditur objektivat e tyre.

E dronët më të kërkuar në këtë luftë janë ata komercial – që mund të blihen lehtë. Gjithashtu janë të lirë dhe lehtë të zëvendësueshëm.

Të dyja palët i përdorin për të zbuluar pozicionet e njëri-tjetrit, dhe u ndihmojnë të përmirësojnë goditjet e tyre në drejtim të objektivave të armikut.

Shpesh këta dronë të vegjël përdoren edhe si armë për sulme kamikaze, pasi mbushen me lëndë të ndryshme shpërthyese dhe aktivizohen sapo t’i afrohen objektivave.

Pas vijës së frontit në afërsi të Slovyansk, ekipi i ushtarëve nga njësia e “inteligjencës së dronëve”, na tregojnë se si operojnë me ta.

Ukraina e quan 'sulm terrorist' – momenti kur një burrë nxirret nga rrënojat e një ndërtese të goditur nga raketat ruse në Donetsk
Lexo po ashtu Ukraina e quan 'sulm terrorist' – momenti kur një burrë nxirret nga rrënojat e një ndërtese të goditur nga raketat ruse në Donetsk

Ata çmontojnë çdo pjesë të dronit DJI, brenda të cilit mund të futet eksploziv. Bëhet fjalë për dronin e vogël komercial që mund të transportojë municion nga 200 deri në 500 gramë. Një tjetër model i ngjashëm por paksa më i madh, transporton deri në 800 gramë eksplozivë. Kjo njësi fillimisht prodhon bombat nëpër bazat e tyre – duke përdorur printerët 3D që krijojnë hapësirën brenda të cilës mund të futet lënda shpërthyese.

Dmytro thotë se kjo është puna për “djemtë e tij të mençur”. Ata kanë studiuar për inteligjencën artificiale, dhe janë të specializuar në gjurmimin e teknologjisë.

Derisa po bëheshin gati për lansimin e dronit në afërsi të Slovyanskut, është një tregues se mund të jetë një lojë shumë e rrezikshme “fshehtas”. Ata madje kanë aftësinë të dëgjojnë nga një distancë e madhe zhurmën e kësaj fluturake pa pilot.

Këtë e bëjnë duke qëndruar të fshehur nën pemë. Të dyja palët kujdesen shumë për dronët dhe operatorët e tyre.

Ukrainasit sërish godasin rusët me sistemin e avancuar raketor amerikan - HIMARS shkrumbon depot me municion  
Lexo po ashtu Ukrainasit sërish godasin rusët me sistemin e avancuar raketor amerikan - HIMARS shkrumbon depot me municion  

“Në ditët e para të luftës, më thanë se rusët kanë aftësinë e përdorimit të ‘Aeroscope’, platforma për detektimin e dronëve që mund të identifikojnë edhe linkun e komunikimit në kohë reale. Po ta bënin këtë, rusët do të gjenin dhe shkatërronin dronët tonë”, shtoi ai.

Madje ushtarët ukrainas që operojnë me dronët, thonë se tani kanë mësuar t’ua bllokojnë këto fluturake rusëve – duke theksuar se rusët akoma nuk po mund t’ua bllokojnë sinjalin e dronëve të ukrainasve.

Forcat speciale të Ukrainës publikojnë pamjet nga droni, të shkatërrimit të sistemeve raketore ruse në Chernihiv
Lexo po ashtu Forcat speciale të Ukrainës publikojnë pamjet nga droni, të shkatërrimit të sistemeve raketore ruse në Chernihiv

Deri më tani kjo njësi ka humbur vetëm pesë dronë të vegjël komercial. Ata për shumë gjëra falënderojnë Elon Musk.

Koloneli i njësisë Dnipro 1, Yurii Bereza ka vetëm fjalë miradije për miliarderin amerikan, ashtu siç kanë ukrainasit për kryeministrin në largim të Britanisë së Madhe, Boris Johnson. /Telegrafi/

Në trend Botë

Më shumë
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Evropa
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Botë
Ukrainasit rrëzojnë aeroplanin ushtarak rus që kushton gati 80 milionë euro

Ukrainasit rrëzojnë aeroplanin ushtarak rus që kushton gati 80 milionë euro

Evropa
Duke ecur në plazhin e Essexit, britanikja gjeti një dhëmb vigani 1.8 milion vjeç

Duke ecur në plazhin e Essexit, britanikja gjeti një dhëmb vigani 1.8 milion vjeç

Botë
Ajo ngeci në ashensor me njerëz krejtësisht të panjohur, priti ndihmë për katër orë: Historia mori një epilog të pazakontë në Los Angeles

Ajo ngeci në ashensor me njerëz krejtësisht të panjohur, priti ndihmë për katër orë: Historia mori një epilog të pazakontë në Los Angeles

Amerika
Rasti i pazakontë në Kroaci - pensionisti zbret nga një ndërtesë, por jo përmes shkallëve

Rasti i pazakontë në Kroaci - pensionisti zbret nga një ndërtesë, por jo përmes shkallëve

Kroacia
Kalo në kategori