Ish-boksieri shqiptar, Luan Krasniqi, është një prej miliona njerëzve anekënd botës që mezi presin duelin ndërmjet Deontay Wilder dhe Tyson Fury.

Dy boksierët që konkurrojnë në kategorinë e peshave të rënda do të zhvillojnë në Las Vegas meçin e vlefshëm për titullin WBC.

Tyson Fury dhe Deontay Wilder (Foto: Mike Stobe/Getty Images/Guliver)

Krasniqi ka bërë në postim në rrjetet sociale duke thënë se dëshiron të shikojë nëse Fury ka arritur të rikthehet në formë.

Lajmet për Luan Krasniqin Lajmet për Luan Krasniqin

Ndërkohë, ai e ka kritikuar teatrin e tepruar që bëhet ndërmjet boksierëve në konferencat për shtyp, matjet zyrtare, si edhe përmes rrjeteve sociale.

“Mezi pres ta shoh duelin ndërmjet Deontay Wilder dhe Tyson Fury. Jam në veçanti i entuziazmuar që të shoh nëse Fury do të rikthehet në formë”.

“Mirëpo, ajo që më duket fyese është i gjithë teatri që po krijohet nga të dy. Dikujt i pëlqen kjo për argëtim dhe si pjesë e spektaklit. Unë mendoj se e dëmton boksin”, ka shkruar Luani në Facebook.

Rikujtojmë se dueli ndërmjet Wilder dhe Fury zhvillohet rreth orës 6:00 të mëngjesit të të dielës (2 dhjetor 2018). /Telegrafi/