LSDM publikoi bartësit e listave për zgjedhjet kuvendare, dy shqiptarë në pozita të garantuara
Lidhja Social Demokrate e Maqedonisë (LSDM) e udhëhequr nga kryetari dhe ish-kryeministri, Dimitar Kovaçevski mbrëmë ka publikuar listat e deputetëve për zgjedhjet kuvendare më 8 maj, të këtij viti, përcjell Telegrafi Maqedoni.
LSDM në listën e zonës zgjedhore 1 do të ketë bartës kryetarin Kovaçevski dhe e dyta do të jetë Monika Zajkova nga Partia Liberal Demokrate (PLD).
Në listën e zonës zgjedhore 2 LSDM do të garojë me Oliver Spasovskin, ish ministër i MPB-së dhe i dyti do të jetë Fatmir Bytyqi, zv.kryeministër aktual dhe nënkryetar i partisë.
Në listën e zonës zgjedhore 3 partia e Kovaçevskit do të del në zgjedhje me Sanja Lukarevska, drejtoreshë e Drejtorisë e të Ardhurave Publike (DAP) e pasur nga Lupço Nikollovski, ministër i Bujqësisë.
Në listën e zonës zgjedhore 4 LSDM do të garojë me ish-ministrin e shëndetësisë Venko Filipçe i cili do të pasohet nga Jovana Trençevska, ministrja aktuale e Punës dhe politikave sociale.
Në zonën zgjedhore 5 LSDM do të jetë në garë me Jovan Mitrevski, kryetari aktual i Kuvendit dhe me Bisera Kostandinovska-Stojçevska, ministre aktuale e Kulturës.
Në zonën e zgjedhore 6 LSDM do të përballet me partitë shqiptare dhe maqedonase me tandemin Sllavjanka Petrova, ministre aktuale e mbrojtjes dhe Agron Demiri, anëtar i rinisë në LSDM.
Në listat e LSDM-së bien në sy dy shqiptarë në vendet e garantuara për deputet, Fatmir Bytyqi dhe Agron Demiri.
Bytyqi njihet në opinion si zv.kryeministër aktual në Qeverinë e udhëhequr nga LSDM, i cili është i caktuar për çështje ekonomike në shtet. Agron Demiri është i vendosur në listë si përfaqësues i rinisë së partisë dhe për të mbështetur konceptin e LSDM-së “shoqëri për të gjithë” ku në shtatë vitet e fundit janë përfshirë kuadro shqiptarë nëpër listat e kësaj partie.
Bytyqi caktimin e tij nga partia si bashkëudhëheqës i listët së dytë zgjedhore, e cilëson si një mundësi për të qenë më afër qytetarëve, pas viteve të shërbimit si zyrtar qeveritar.
“Nuk ndalojmë, fitorja e Maqedonisë evropiane më 8 maj është e pashmangshme” ka thënë Bytyqi me një prononcim menjeherë pasi mori besimin e kongresit të partisë.
Nga ana tjetër Demiri, i dyti në zonën zgjedhore 6 ka thënë “Dua t’u informoj se unë Agron Demiri do të jem i dyti në listë dhe do kërkoj përkrahjen tuaj. Falenderoj tejmase kryesinë, organet e partisë, miqtë dhe familjarët për mbështetjen pa rezervë gjatë kësaj periudhe. Nëse duam progres të vendit, koncepti një shoqëri për të gjithë duhet me doemos të jetë fitues. Në të kundërtën do të pësojme vetëm regres, gjë që nuk e dëshiron absolutisht askush në vendin tonë” ka shkruar Demiri në Facebook.
Përndryshe, Demiri është ish-kryetar i Unionit studentor në UEJL dhe ish student i shkencave të komunikimit po në këtë universitet. /Telegrafi/
Lufta Prigozhin - Putin
Më shumëPahor po përgatit një draft për dialogun Kosovë-Serbi, fillimisht dëshiron të koordinohet me Borrellin dhe vendet e QUINT-it
“Kursi më i vështirë i ushtrisë, stërviten deri në rraskapitje”, oficeri i FSK-së përfundon me sukses trajnimin Ranger në ShBA
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Mbi 1600 persona të zhdukur nga lufta, Rohde thotë se në tri vitet e fundit nuk është bërë asnjë progres si shkak i bllokadës politike
Sa realist është anëtarësimi i Kosovës në KiE?
Masakra në Mejë “Srebrenica e Kosovës” - thirrja më e fuqishme e Kosovës për drejtësi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë