Liverpooli merr vendim rreth çështjes kontraktuale të Diogo Jotas

Humbja tragjike e Diogo Jotas ka lënë një boshllëk të thellë në zemrat e gjithë komunitetit të Liverpoolit – një dhimbje që ka tejkaluar kufijtë e një reagimi zyrtar.

Klubi nuk është ndalur vetëm te deklaratat publike, por ka ndërmarrë veprime konkrete në nderim të jetës dhe karrierës së futbollistit të ndjerë.

Sipas raportimeve nga gazeta portugeze Record, përfaqësues të klubit, përfshirë pjesëtarë të stafit teknik, lojtarë dhe drejtues të lartë, kanë udhëtuar drejt qytetit të lindjes së Jotas, Gondomarit, për t’i bërë homazhe personalisht familjes së tij.

Në një gjest të jashtëzakonshëm, Liverpool ka vendosur të shlyejë të plotë dy vitet e mbetura të kontratës, si formë respekti dhe mbështetje për familjen e futbollistit.

Në deklaratën e së enjtes, klubi njoftoi gjithashtu dëshirën për të tërhequr përjetësisht fanellën me numrin 20, që Jota mbajti me krenari gjatë pesë sezoneve të tij në “Anfield”.

Kjo fanellë ishte pjesë e historisë së sezonit të fundit, kur Liverpool fitoi titullin e 20-të në Ligën Premier – një simbol i përjetshëm i kontributit të tij.

Lexo po ashtu Pasuria që Diogo Jota i la gruas dhe 3 fëmijëve pas vdekjes tragjike - sa fitonte ylli i Liverpoolit

Tifozët, të tronditur nga lajmi i hidhur, janë mbledhur pranë memorialit të ngritur jashtë stadiumit, duke krijuar një mur ngushëllimi me lule, shalla, fanella dhe mesazhe prekëse.

Anfieldi” është kthyer në një vend pelegrinazhi emocional për ta.

Ndër ata që bënë homazhe ishte edhe ish-kapiteni Jordan Henderson, i cili nuk i përmbajti lotët teksa vendoste një fanellë pranë memorialit.

Emocionet e tij ishin reflektim i lidhjes që Jota kishte krijuar me të gjithë brenda dhe jashtë fushës.

Liverpooli po bën gjithçka për ta nderuar jo vetëm si futbollist, por si njeri – një figurë që do të mbetet përgjithmonë në zemrën e klubit dhe tifozëve. /Telegrafi/