Liverpooli ka pësuar humbje me rezultat 1-0 ndaj Atletico Madridit në ndeshjen e parë të eliminimi direkt në Ligën e Kampionëve.

Saul Niguez e shënoi golin e vetëm në këtë takim dhe atë që në minutën e katërt, për t’i dhënë një rezultat të mirë skuadrës së tij për ndeshjen kthyese.

Liverpooli dështoi të gjuajë të paktë një herë në kuadrat për 90 minuta, ndërsa tani i duhet të shënojë fitore në ndeshjen kthyese ndaj të besuarve të Diego Simeones me 11 mars në Alfield Road.

Liverpooli edhe pse tentoi në disa mënyra nuk arriti të regjistrojë as një goditje të vetme në portë.

Kjo është hera e parë që iu ndodh The Reds që nga tetori i vitit 2018.

Një paraqitje e jashtëzakonshme dhe e disiplinuar e skuadrës së Simeones dhe ndeshja kthyese nuk do të jetë më ndryshe në paraqitjen e skuadrës së tij, mbrojtje e disiplinuar dhe kundërsulm.

Por Liverpooli ka ditur gjithmonë të bëjë rikthime të mëdha sidomos në stadiumin e tyre. /Telegrafi/