Kryetari i Drenasit, Nexhat Demaku dhe dy zyrtarët komunalë, Ajet Demiri e Gani Halilaj janë liruar nga akuza për shpërdorim detyre.
Gjykata Themelore në Prishtinë shpalli të pafajshëm 3 të akuzuarit, pasi sipas saj nuk është vërtetuar aktakuza gjatë zhvillimit të procesit gjyqësor.
Vendimin e shpalli kryetarja e trupit gjykues, Valbona Selimaj.
“Në emër të popullit [gjykata] merr këtë aktgjykim: të akuzuarit lirohen nga akuza pasi që nuk është provuar se të akuzuarit Nexhat Demaku, Ajet Demiri dhe Gani Halilaj kanë kryer veprën penale të parashkruar si në aktakuzën e Prokurorisë Themelorë të Prishtinës – Departamenti për Krime të Rënda,” tha Valbona Selimaj.
Pas shpalljes së aktgjykimit, e dëmtuara Zejnepe Buzhala nga gjykata u udhëzua në kontest civil.
Kryetari Demaku për KALLXO.com deklaroi se vendimi i gjykatës është i ligjshëm dhe i bazuar në faktet e ofruara nga komuna.
“Vendimi gjykatës është i ligjshëm dhe i bazuar mbi bazën e fakteve të cilat i kemi ofruar ne si komunë. Që nga kur ka filluar ky proces, ne kemi ofruar dëshmi te vazhdueshme se nuk ka asnjë kontest rreth pronësisë dhe banesës për të cilën bëhet fjalë dhe kjo u dëshmua se banesa është pronë e komunës,” deklaroi Demaku.
Demaku dhe zyrtarët komunalë të Drenasit Ajet Demiri e Gani Halilaj akuzoheshin në lidhje me një banesë që ishte pronë komunale, ndërsa komuna ia kishte dhënë çerdhes së qytetit.
Çerdhja pastaj banesën ia kishte ndarë të dëmtuarës së këtij procesi gjyqësor Zejnepe Buzhala, por ajo nuk mund ta shfrytëzonte atë, pasi këtë banesë e mbante Fadil Shishani.
Demaku akuzohej se në cilësinë e kryetarit të Komunës se Drenasit duke shfrytëzuar detyrën dhe autoritetin zyrtar, ka tejkaluar kompetencat kur ka lidhur kontratë me Fadil Shishanin si qiramarrës në prill të vitit 2009 për dhënien me qira të banesës në Rrugën “Skënderbeu”.
Dy zyrtarët komunalë Ajet Demiri si drejtor i Drejtorisë për Planifikim Urban e Mbrojtje të Mjedisit dhe Gani Halilaj si zyrtar për çështje banesore në Komunën e Drenasit akuzoheshin se së bashku i kanë tejkaluar kompetencat duke nxjerrë aktvendim me të cilin e kanë detyruar të dëmtuarën Zejnepe Buzhala që së bashku me familje ta lirojë banesën.
Në qershor të vitit të kaluar gjatë një seance të përmbarimit rreth kësaj banese pati të shtëna nga të cilat u plagos një person.
Promo
Reklamo këtuLufta Prigozhin - Putin
Më shumë25 vjet burgim për Enver Sekiraqën
Dënohet me 24 vjet burgim prizrenasi, kishte dhunuar seksualisht dy vajza nën moshën 14-vjeçare
“Sentinel Lymphnod Biopsy”, pajisje tjetër për SHSKUK nga fondacioni Jahjaga
Hapet dyqani i parë social në Prishtinë, Rama: Qytetarët në nevojë mund të furnizohen çdo muaj falas me produkte ushqimore e higjienike
Rënia e Kosovës për 19 vende në indeksin e “Reporterëve Pa Kufij”, reagimet e ambasadës gjermane dhe amerikane
Mediat në Ballkan, politika, ndikimi dhe sulmet ndaj gazetarëve “Reporterët Pa Kufij” japin alarmin e shqetësimin
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe